Liifai Yaab 3:9 - Uwumbɔr aagbaŋ

^9-10 le ki di kiwakork ngbaan aaponn ni aawan nimina: Nkpan, ni lijuul aah naa lichakaal nin chee na aakpan, ni nkpan mumɔk bii ponn ni aawan pu na, ni ŋipɔɔkpeebil ni nkpan mu bii ŋi pu na, ni lipɔɔl nin chee ŋan na, ni li ye tijikaar aapiin ki tii Uwumbɔr.

Liifai Yaab 3:9 ပူးပေါင်းရင်းမြစ်များ

2 Samuel 6:17

Bi nan joo ni Dakaa ngbaan, le ki nan di siin David aah ŋa likekeln aabool li siin Dakaa ngbaan pu na ponn ni. Le u toor kitork ki bi see mmii ni na, ni kimɔbaan aatork tii Uwumbɔr.

1 Bibɔrb 3:15

Le Solomonn nan finn, ki bee ke Uwumbɔr len u chee tibɔr tidaŋ ni. Le u buen Jerusalem aatiŋ ni, ki ti sil Uwumbɔr Aakaal Aadakaa aanimbiin ni, ki toor kitork ki bi joo seer mmii ni na, ni kimɔbaan aatork, tii Uwumbɔr. Nee aapuwɔb le u ŋa njim tii waaninkpiib mɔmɔk.

1 Bibɔrb 8:63

U nan di ŋinaayil ŋichur moninko ni ŋilee, ni ipiih ŋichur nkub ni moninko le toor kimɔbaan aatork. Kina le ubɔr ni binib ngbaan mɔmɔk nan di Uwumbɔr Aadichal ŋum uma Uwumbɔr.

1 Bibɔrb 8:64

Liyaadaal baan ngbaan le u nan toor lichiln aakaasisik ni, ni bi Uwumbɔr Aadichal aabisamɔb chee na, le ki toor kitork ki bi joo seer mmii ni na nima chee, ki kpee njikaabim aatork, ni tiwakor ti bi kɔr kimɔbaan aatork ni na aakpan. Tikumann aatork aabimbiln na nan par ke u di kitork ngbaan mɔmɔk aanann see mmii ni li pu, nima le cha u nan ŋa kina.

1 Bibɔrb Aabɔr 16:1

Bi nan di Uwumbɔr Aakaal Aadakaa ngbaan ti siin libool li ponn ni David nan ŋa siin na. Bi nan toor kitork ni kimɔbaan aatork tii Uwumbɔr.

Nnyam 29:22

“Aa gii nyan upihja ngbaan aakpan, ni ujuul aakpan, ni uponn ni aakpan, ni lipɔɔl nin chee ŋan na, ni ŋipɔɔkpeebil, ni ŋaakpan, ni ŋŋangii aataajal;

Ŋiyataŋak 23:26

Maabo, pel mbamɔm ki cha maabimbin li ye limɔkl ki tii si.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Liifai Yaab 17:5

Nkaal ngbaan aatataa le ye ke Israel yaab mɔmɔk li joo ni baawakor ti bi joo toor kitiŋ ponn ni yɔl yɔl na nan toor kitork tii Uwumbɔr. Bi li joo i ki nan di tii utotoor, Uwumbɔr Aabool aabisamɔb chee, aan u di toor kimɔbaan aapiin aatork.

Liifai Yaab 7:3

Ni chuu nyan nkpan mumɔk bi ki ponn ni na ki di see mmii ni, libimbiln paab: Lijuul aah naa nin chee na aakpan, ni nkpan mu paa ponn ni aawan pu na,

Liifai Yaab 8:25

U nan yoor nkpan, ni lijuul aakpan, ni nkpan mumɔk bii ponn ni aawan pu na, ni lipɔɔl nin chee ŋan na, ni ŋipɔɔkpeebil ni ŋaakpan, ni ŋŋangii aataajal.

Liifai Yaab 9:19

Aaronn nan di unaaja ni upihja aakpan aawan mɔmɔk

1 Samuel 10:8

Aa ga loln m pu nsan ki buen Gilgal, nin chee m ga nan pii si aan ki toor kitork ki ti ga di see mmii ni na, ni kimɔbaan aatork mu. Li kii mi nima ki ti saa iwiin ilole aan m nin dan ki nan mɔk si saah ga ŋa pu na.”