Liifai Yaab 3:8 - Uwumbɔr aagbaŋ

⁸ u di uŋaal paan uyil pu, ki kɔr u Libool na aabisamɔb chee. Bitotoorb ga di nsin yɔk yɔk kitork aabimbiln aapepel mɔmɔk ŋinaa pu,

Liifai Yaab 3:8 ပူးပေါင်းရင်းမြစ်များ

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Liifai Yaab 1:11

U ku ki libimbiln paab, ŋŋangan wɔb, le bitotoorb ga di kaasin yɔk yɔk kitork aabimbiln paab, ŋipepel mɔmɔk ŋinaa pu.

Liifai Yaab 1:4

Udaan ngbaan ga di uŋaal paan unaaja ngbaan aayil pu, le Uwumbɔr ga gaa waatork ngbaan ki di cha pinn waatunwanbir.

Liifai Yaab 1:5

U ga ku unaaja ngbaan nima chee, le Aaronn aamaal bi ye bitotoorb na ga di waasin tii Uwumbɔr, ki di mu yɔk yɔk kitork aabimbiln li si Libool ngbaan aabisamɔb chee na aapepel mɔmɔk ŋinaa pu.

Liifai Yaab 3:13

u di uŋaal paan uŋoob ngbaan aayil pu, aan ki kɔr u Libool na aabisamɔb chee. Le bitotoorb di nsin yɔk yɔk kitork aabimbiln aapepel ŋinaa mɔmɔk pu,

Liifai Yaab 4:15

le binib ngbaan aayidam mɔmɔk ga di biŋaal paan uyil pu, le bi kɔr u nima chee.

Liifai Yaab 4:24

U di uŋaal paan uyil pu, aan ki kɔr u, kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na. Ipiin aatork kimina aaboln le nyani titunwanbir.

Liifai Yaab 4:4

U li joo ni unaaja ngbaan Libool aabisamɔb chee, ki di uŋaal paan uyil pu, aan ki kɔr u Uwumbɔr aanimbiin ni.

Matiu 3:17

Le u ŋun nneel len paacham ke, “Njapɔɔn u m gee u na sɔ. Nnimbil gbiin u.”

2 Korenti 5:19

Maah len pu na le ye ke Kristo aah nan kpo na, nima le tii Uwumbɔr nsan ke u di dulnyaa ni aanib kpaan ubaa chee, ki di cha baatunwanbir pinn bi. U di tichandaan aaliin imina ŋa tiŋaal ni, ke ti tuk binib.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Efesusi 2:18

Kristo pu, le binib bi ye Juu yaab na, ni binib bi kaa ye Juu yaab na mɔmɔk kpaani Uwumbɔr Aafuur Nyaan baan ni, ki dan Tite Uwumbɔr chee.

Efesusi 3:12

Taah gaa Yesu ki kii ki kpaan u ni na, nima le ti kpa lipobil ke ti dan Uwumbɔr chee ki nan doon u, ki taa li san ijawaan.

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.