Liifai Yaab 3:2 - Uwumbɔr aagbaŋ

² Uja ngbaan ga di uŋaal paan unaa ngbaan aayil pu, le ki kɔr u Uwumbɔr Aabool aabisamɔb chee. Le Aaronn aabijabim bi ye bitotoorb na ga di nsin yɔk yɔk kitork aabimbiln aapepel mɔmɔk ŋinaa pu.

Liifai Yaab 3:2 ပူးပေါင်းရင်းမြစ်များ

Nnyam 29:10

“Aa di unaaja ngbaan dan nnimbiin ni, Maabool aabisamɔb chee, aan ki cha Aaronn ni ujapɔtiib di biŋaal paan uyil pu.

Nnyam 29:11

Kɔr unaaja ngbaan nnimbiin ni, Maabool aabisamɔb chee.

Nnyam 29:15

“Nyan upihja ubaa ki cha Aaronn ni ujapɔtiib di biŋaal paan uyil pu.

Nnyam 29:16

Kɔr u, ki teŋ waasin, ki di mu mee kpir kitork aabimbiln ngbaan aapepel ŋinaa pu,

Nnyam 29:19

“Aa di upihja uken na, u aa ga di toor ki ŋa bitotoorb na, aan ki tuk Aaronn ni ujapɔtiib ke bi di biŋaal paan uyil pu.

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Liifai Yaab 1:11

U ku ki libimbiln paab, ŋŋangan wɔb, le bitotoorb ga di kaasin yɔk yɔk kitork aabimbiln paab, ŋipepel mɔmɔk ŋinaa pu.

Liifai Yaab 17:3

Israel aanii umɔk kɔr unaa, bee upiih, bee uŋoob ki di toor kitork tii Uwumbɔr lipaal nibaa chee, kaa di buen Uwumbɔr Aabool aabisamɔb chee unimbiin ni na kan, u bii Uwumbɔr aakaal la. U nyan tiwan ni fu na aamɔfal yɔli; waan ki li ye Uwumbɔr aanib ponn ni ubaa.

Liifai Yaab 3:3

Le bi di kiwakork ngbaan aaponn ni aawan nimina: Nkpan mu mɔmɔk bii ponn ni aawan pu na, ni ŋipɔɔkpeebil ni nkpan mu bii ŋi na, ni lipɔɔl nin chee ŋan na, ni li ye tijikaar aapiin ki tii Uwumbɔr.

Liifai Yaab 3:8

u di uŋaal paan uyil pu, ki kɔr u Libool na aabisamɔb chee. Bitotoorb ga di nsin yɔk yɔk kitork aabimbiln aapepel mɔmɔk ŋinaa pu,

Liifai Yaab 8:22

Moses nan ki joo ni upihja uken na, uma le u nan di toor kitork ki kaan bitotoorb; le ki cha Aaronn ni ujapɔtiib di biŋaal paan uyil pu.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Nkahm 18:17

Tɔ, njan aanaabo, ni upihbo, ni uŋobo ma kan, ni taa cha bi ki gir daa ti; tiwakor ngbaan ye min yaan la, aan bi li joo toor kitork tii mi. Ni di taasin gbaa kitork aabimbiln, aan ki di tiponn ni aakpan see mmii ni, aan ni li ye tijikaar aapiin tii mi; kitork ngbaan nu mɔ m chee.

Lituln 3:15

Ni ku Yesu u tii timi limɔfal na. Le Uwumbɔr fikr u nkun ni. Timi le ye waaseeraadam ke u fikr nkun ni a.

Lituln 3:26

Nima pu na, Uwumbɔr nan nyan Waabo, ki nan tun ni u ni chee njan, ke u nan ŋa nimi tinyoor; u cha ni di cha nimi aatunwanbir; tinyoor ngbaan le na.”

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.