Liifai Yaab 3:17 - Uwumbɔr aagbaŋ

¹⁷ Israel yaab ubaa taa ji nkpan, bee nsin. Israel yaab mɔmɔk yaa bi nin chee mɔk na kan, bi li joo likoobil ngbaan ki cha n‑yoonn mu kaa kpa ndoon na.

Liifai Yaab 3:17 ပူးပေါင်းရင်းမြစ်များ

Mpiin 9:4

Taa ŋmɔ tinann ti nsin aa nyan ti ponn ni na, ni taa ji kina aawan; ba pu? limɔfal bi nsin ni la.

2 Bibɔrb Aabɔr 29:35

Bitotoorb le nan ki yeh ke bi di baah nan di tiwakor ti toor ke binib ngbaan ŋmɔ na aakpan see mmii ni, ki ki toor tiwakor ti bi ga di see mmii ni timɔnn na aatork tii Uwumbɔr. Bima le nan ki yeh ndaan mu dii ni mmii ni aatork na aabarn. Kina le bi nan ki piin ki doon Uwumbɔr, Waadichal ni.

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Nnyam 27:21

Aaronn ni ujapɔtiib le ga di karyaa ngbaan siin Libool li ponn ni m ga li bi na, likekeln li bi Uwumbɔr Aakaal Aadakaa aanimbiin ni na aapuwɔb nima chee. Nnimbiin ni, karyaa ngbaan ga li gaal kijook ki ti saa kichakpiik ni. Israel yaab ni biyaabitiib li joo nkaal ngbaan ki cha n‑yoonn mu kaa kpa aadoon na.

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Esekiel 33:25

“Tuk bi min Bidindaan Uwumbɔr aah len pu na: Ni ŋmɔ tinann ti nsin aa nyan ti ponn ni na. Ni dooni ŋiwaa. Ni ku binib. Ba cha ni dak ke kitiŋ ngbaan ye nimi yaak?

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Liifai Yaab 10:15

N‑yoonn mu bi ti ban bi di nkpan see mmii ni ki tii Uwumbɔr aan ni ye tijikaar aatork na, bi li joo ni litaajal ni libingbaal mu. Uwumbɔr aah mɔk pu na, aa ni saamaal le yeh litaajal ni libingbaal aanann, ki cha n‑yoonn mu kaa kpa ndoon na.”

Liifai Yaab 10:9

“Aa ni aajapɔtiib yaa nyun ŋisubil aadaan, bee ndaan muken na kan, ni taa koo ni Maabool ponn ni; ni yaa ŋa kina kan, ni ga kpo. Aa ni saamaal li joo nkaal mue kina cha n‑yoonn mɔmɔk.

Liifai Yaab 16:29

Ni li dii ikaal imina ki cha n‑yoonn mu choo na mɔmɔk. Ŋmalole aawinpiik daal kan, Israel yaab, ni biwɔwɔm mɔmɔk bi koo bi chee na kpaan ki lul bumɔb, ki taa tun lituln libaa liyaadaal ngbaan.

Liifai Yaab 16:34

Ni li joo ikaal ngbaan ki cha n‑yoonn mɔmɔk. Libiln ni kan, ni toor kitork ngbaan nfum mubaa, ki nyan Israel yaab mɔmɔk baatunwanbir ni, ki ŋa bi chain. Kina pu na, Moses nan ŋa Uwumbɔr aah tuk u pu na.

Liifai Yaab 17:7

Israel aanib taa ki yii Uwumbɔr ki li kɔr baawakor tisar, ni ŋinampal, ki toor kitork tii kinimbɔŋ. Israel aanib mɔmɔk li joo nkaal ngbaan ki cha n‑yoonn mɔmɔk.

Liifai Yaab 19:26

“Ni taa ŋmɔ tinann ti nsin beenin bi ti ni na. Ni taa li ŋani bibɔɔb aatuln ki ji inyɔk.

Liifai Yaab 23:14

Ni taa pue ji nimi aajikaapɔnn tibaa aan ki nin ban nan tii ipiin, ni taa ŋmɔ ti tikaab, bee ni pu ti, bee ni ŋaan ti, see ni pue ban ti nan tii Uwumbɔr ipiin. Niyaabitiib mɔmɔk li joo ikaal imina, ki cha n‑yoonn mu choo na, hali bi yaa bi nin chee na kan, bi li ŋani kina.

Liifai Yaab 23:21

Liyaadaal ngbaan kan, ni kuun ni tɔb chee ki nan doon Uwumbɔr ki taa tun lituln libaa. Niyaabitiib li joo ikaal ngbaan n‑yoonn mɔmɔk, hali bi yaa bi nin chee na, bi li ŋani kina.

Liifai Yaab 24:3

Kijook mɔk kan, Aaronn ga see karyaa tiib ngbaan mɔmɔk, ki cha bi li gaal kina ki ti saa kichakpiik ni, bi li si Uwumbɔr aanimbiin ni, likekeln li bi di gii ponn ni na aapuwɔb, Uwumbɔr Aakaal Aadakaa u bi Chain Chain Aapepel ni na chee. Ni li joo nkaal ngbaan ki cha n‑yoonn mu choo na.

Liifai Yaab 24:9

Aaronn ni waamaal le yeh boroboro ngbaan, aan bi li ŋmɔ u, chain aapepel ni, ba pu? tijikaar ngbaan ye chain le bi di tii Uwumbɔr; nima kan, bitotoorb mu ga kan ki ji.

Liifai Yaab 3:16

Utotoor ga di ni see mmii ni, kitork aabimbiln paab, ni li ye tijikaar aapiin i nu mɔ Uwumbɔr chee na. Nkpan aawan mɔmɔk ye uma Uwumbɔr yaan la.

Liifai Yaab 4:1

Uwumbɔr nan bui Moses

Liifai Yaab 6:15

U di uŋaal lee n‑yon, ni nkpan, ni tulalee aayon mu paa mu pu na, ki di see libimbiln paab, mmii ni, ni li ye limɔkl ke u see n‑yon ngbaan mɔmɔk le mmii ni ki tii Uwumbɔr. Ipiin kina aaboln nu mɔ uma Uwumbɔr chee.

Liifai Yaab 6:18

N‑yoonn mɔmɔk Aaronn aamaal bi ye bijab na ga ŋmaa ji tijikaar ngbaan, ba pu? Uwumbɔr le yakr waajikaar tii bi. Unii ubaa yaa kaa bi chain kan, u taa mee ti.

Liifai Yaab 6:22

N‑yoonn mumɔk choo na, Aaronn aamaal ni aanii u ti ban u tun Utotoorninkpel aatuln na kan, see u tii Uwumbɔr kina aapiin. Ni di ni mɔmɔk see mmii ni tii Uwumbɔr.

Liifai Yaab 7:23

ke u di tuk Israel yaab: Ni taa ŋmɔ unaa, bee upiih, bee uŋoob aakpan.

Liifai Yaab 7:34

Kiwakork ngbaan aabingbaal ni ŋŋangii aataajal ye ipiinkpaan la, le Uwumbɔr gaal i Israel yaab chee ki joo tii bitotoorb. Israel yaab li joo tinann tee tii bitotoorb n‑yoonn mɔmɔk.

Liifai Yaab 7:36

Liyaadaal ngbaan le Uwumbɔr nan siin ke Israel yaab li joo ipiin ngbaan aanann timina ki joo tii bitotoorb. Ni ye nkaal mu ŋan ke Israel yaab li joo mu n‑yoonn mɔmɔk na la.

Nkahm 19:21

N‑yoonn mɔmɔk kan, ni li joo nkaal ngbaan. Le unii u di nnyun ngbaan yɔk yɔk ke mu ŋa uken chain na, mu finn waawanpeenkaan; le unii umɔk meeh nnyun ngbaan na, u mu kpaln tijɔŋdaan le ki ti saa kijook wɔb.

Matiu 16:24

Yesu nan bui waadidiliib, “Unii yaa ban u dii mi kan, cha u yii ubaa, ki yoor waadɔpuinkoo aan ki li dii mi.

Matiu 26:28

Maasin le na. Maasin pu, le Uwumbɔr puu tipuupɔln ki tii nimi. Maasin ga nya binib pam aatunwanbir pu, aan Uwumbɔr di cha pinn bi.

Lituln 15:29

Ni ŋan ke ni taa ki ŋmɔ kitork aanann, ki taa ki ŋmɔ nsin, ki taa ki ŋmɔ tiwan ni bi tab ku ni na, ki taa ki gɔr kidagook. Ni yaa kii kina kan, nima le ŋan. Uwumbɔr ter nimi.”

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

Efesusi 5:26

U nan kpo bi pu, ke u ŋa bi chain. Baah ŋun waabɔr na, le u nyan titunwanbir bisui ni, le bi muin bi nnyun ni,

Ikaal 12:16

Tɔ, ni taa kpaan ŋmɔ tiwakor ngbaan aanann aan nsin li bi ti ponn ni. Ni kɔr tiwakor ngbaan ki nyan taasin kpir kitiŋ, ke naah kpir nnyun pu na.

Ikaal 12:23

Ni taa tee kpaan ŋmɔ tiwakor ngbaan aanann aan nsin li bi ti ponn ni, ba pu? limɔfal bi nsin ponn ni la; ni taa kpaan ŋmɔ tinann ni limɔfal.

Ikaal 12:24

Ni taa ji nsin, ni kɔr tiwakor ngbaan ki nyan nsin kpir kitiŋ, ke naah kpir nnyun pu na.

Ikaal 15:23

Ni taa di naasin ŋa tijikaar ki ji, ni pɔɔn nibaa ki di mu kpir ke naah kpir nnyun pu na.

Ikaal 32:14

Le baawakor nan kpa mbiin pam; baapiih, ni iŋoob, ni inaa nan filk sakpen; bi nan kpa tijikaar ni ŋisubil aadaan ni ŋan na.

1 Timoti 4:4

Tiwan nimɔk Uwumbɔr naan ni na, ni ŋan la. Ti taa li kɔ tijikaar tibaa. Ti li ji ti, ki li dooni u ti pu.