Liifai Yaab 3:11 - Uwumbɔr aagbaŋ

¹¹ Le utotoor u ŋa kitork ngbaan na di ni mɔmɔk see mmii ni, libimbiln paab, ni li ye tijikaar aapiin ki tii Uwumbɔr.

Liifai Yaab 3:11 ပူးပေါင်းရင်းမြစ်များ

Ilahn 22:14

Maapɔɔn mɔmɔk doo ke nnyun mu kpir kitiŋ na aah foor pu na. Bi tukl maakpab mɔmɔk; le mpobil donn ke tisikakpiin na.

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Liifai Yaab 21:17

ke u tuk Aaronn ke, “Aayaabitiib ponn ni aanii ubaa aawon yaa kaa ŋan ki kpa iween kan, u taa di tijikaar aatork tii mi. Nkaal ngbaan ga li bi kina le ki cha n‑yoonn mɔmɔk.

Liifai Yaab 21:6

U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Liifai Yaab 21:8

Binib mɔmɔk li nyi ke utotoor ye chain aanii la, ba pu? uma le joo tijikaar aatork tii mi. Min le ye Uwumbɔr, m bi chain la, le ki ŋa maanib chain.

Liifai Yaab 22:25

Ni taa daa, ki taa gaa uwɔwɔnja chee kiwakork kina aaboln ki di toor tijikaar aapiin aatork ki tii Uwumbɔr. Tiwakor kina aaboln aa ŋan, le Uwumbɔr aan gaa kitork ngbaan.

Liifai Yaab 3:16

Utotoor ga di ni see mmii ni, kitork aabimbiln paab, ni li ye tijikaar aapiin i nu mɔ Uwumbɔr chee na. Nkpan aawan mɔmɔk ye uma Uwumbɔr yaan la.

Liifai Yaab 3:5

Le bitotoorb ga di ni mɔmɔk, ki di kpee kitork kiken pu, ki see mmii ni, kitork aabimbiln paab. Tijikaar aapiin kina aaboln nu mɔ Uwumbɔr chee.

Malakai 1:12

Le nima aa nyuŋni mi, ki bui ke maatork aabimbiln aa ye nibaa, le ki joo ni tijikaar ti ni lik seen ti na nan toor kitork li pu.

Malakai 1:7

Naah lik mi fam pu na sɔ, ni joo tijikaar ti kaa ŋan na le toor kitork maatork aabimbiln pu. Le ni baa ke, ‘Kinye aan ti yii kaa pak si?’ M ga bui nimi ke naa lik faar maatork aabimbiln.

Nkahm 28:2

ke u mɔk Israel yaab ke ipiin aatiin aayoonn yaa fuu kan, bi tii Uwumbɔr tijikaar aapiin, waah ban pu na. Kina aapiin nu mɔ u chee.

Nkahm 28:24

Naah ga ŋa njim ngbaan ki ti saa iwiin ilole daal pu na, ni li toor tijikaar aatork kina ki tii Uwumbɔr, kina aatork nu mɔ u chee. Ni toor kina aatork ki di kpee iwiin mɔmɔk aatork, ni li ye kitork ki ni joo seer mmii ni na, ni ŋisubil aadaan aatork na pu, ki tii Uwumbɔr.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.

1 Korenti 10:21

Naan ŋmaa yoor Tidindaan aayinyook ki nyu, ki gir ki ti nyu kinimbɔŋ aayinyook ni. Naan ŋmaa ŋmɔ Tidindaan aaboroboro, ki gir ti ŋmɔ kinimbɔŋ aanann mu.

Tibɔkpiirkaan 3:20

Li pel man, m si mbisamɔb chee ki kpaar jaaleŋ. Unii umɔk ŋun maaneel ki piir tii mi na, m ga koo ni u chee, ki nan ji u chee tijikaar, u mu ga ji m chee.