Liifai Yaab 3:1 - Uwumbɔr aagbaŋ

¹ N‑yoonn mu nimi ubaa ban u di unaa toor kitork ki tii Uwumbɔr kimɔbaan aapiin na kan, u li ye unaaja bee unaasal u ŋan na.

Liifai Yaab 3:1 ပူးပေါင်းရင်းမြစ်များ

1 Bibɔrb Aabɔr 21:26

U nan maa kitork aabimbiln tii Uwumbɔr nima, ki toor kitork ki bi ga di see mmii ni na, ni kimɔbaan aatork mu. U nan mee Uwumbɔr, le Uwumbɔr nan kii waameel ngbaan ki cha mmii nyan ni paacham ki nan wun kitork ngbaan, libimbiln ngbaan paab.

Nnyam 20:24

Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.

Nnyam 24:5

U nan tun binachipɔm le bi ti see kitork aapiin tii Uwumbɔr, le ki di inaja toor kimɔbaan aatork mu.

Nnyam 29:28

N‑yoonn mu maanib ti toor kimɔbaan aatork tii mi na, bitotoorb le yeh kiwakork ngbaan aabingbaal ni litaajal. Min le siin kina, kaan kpeln maalandak. Binib ngbaan aapiin i bi tii min Uwumbɔr na le na.

Ŋiyataŋak 7:14

“M toor maatork din le ki kan tinann kitork ngbaan ni.

Esekiel 43:27

Likpaakool ngbaan yaa jer kan, bitotoorb ga piin ki li seer binib aatork ki bi joo seer mmii ni na, ni kimɔbaan aatork, libimbiln ngbaan pu. Nima le nsui ga li piin ni mɔmɔk pu. Min Nidindaan Uwumbɔr le len kina.”

Esekiel 45:15

Ni nyan upiih ubaa Israel aapihkpaamook aapiih ikui ilee ni tii mi ipiin. “Ni li joo ni njikaabim aatork, ni tiwakor ti ni ga di see mmii ni timɔnn na, ni kimɔbaan aatork nan tii mi, aan ki kan chapinn nimi aatunwanbir pu. Min Nidindaan Uwumbɔr le siin kina.

Liifai Yaab 1:10

Ni yaa ye waapiih, bee waaŋoob ponn ni le u ban u di ubaa toor kan, u nyan kijak ki li ŋan.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 17:5

Nkaal ngbaan aatataa le ye ke Israel yaab mɔmɔk li joo ni baawakor ti bi joo toor kitiŋ ponn ni yɔl yɔl na nan toor kitork tii Uwumbɔr. Bi li joo i ki nan di tii utotoor, Uwumbɔr Aabool aabisamɔb chee, aan u di toor kimɔbaan aapiin aatork.

Liifai Yaab 3:6

U yaa ban u di upiih, bee uŋoob le toor kimɔbaan aatoor kan, u cha ki li ye kijak, bee kisal ki ŋan na.

Liifai Yaab 9:18

U nan kɔr unaaja ni upihja, le ni ye kimɔbaan aatork aapiin, binib ngbaan pu. Le ujapɔtiib joo ni tiwakor ngbaan aasin, le u di mu kpir libimbiln aapepel mɔmɔk ŋinaa pu.

Liifai Yaab 9:4

ki ban unaaja ni upihja ki di toor kimɔbaan aatork aapiin. Bi di olif aakpan ŋmal njikaabim aatork aapiin ni, ki di kpee tiwakor ngbaan mɔmɔk pu, ki di toor tii Uwumbɔr. Bi pɔɔn bibaa ki ŋa kina, ba pu? Uwumbɔr ga di ubaa mɔk bi din.”

Amos 5:22

Ni yaa toor kitork ki di see mmii ni, ni nimi aajikaabim aapiin tii mi kan, maan gaa ni; maan gaa naah lii tiwakor ti filk ke ni nan di tii mi ipiin na.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Malakai 1:8

Buyoonn ni joo ni kiwakork ki jɔb, bee ki bun, bee ki aataal koo na nan toor kitork tii mi na, ni dak ke taani ubaa aa bi ii? Di kina aawakork tii nimi aayidaan man ki lik. Ni dak ke kina aawakork ga li piin usui ii? U ga faar nimi aapiin ngbaan ki ter nimi ii?”

Nkahm 15:8

N‑yoonn mu ni ti joo unaaja ke ni toor kitork tii min Uwumbɔr na kan, ni yaa ye mmii ni aatork, bee ni yaa ban ni giin tipuur, bee ni yaa ye kimɔbaan aatork kan,

Nkahm 6:14

ki di ti tii Uwumbɔr: ni li ye libiln libaa aapihjabo aan bi di toor kitork ki see ki mmii ni, ni libiln libaa aapihsabo bi di toor titunwanbir aatork, ni upihja bi di toor kimɔbaan aatork;

Ikaal 12:27

Ni di kitork ki ni ga di ki mɔmɔk see mmii ni, Uwumbɔr aabimbiln paab na toor tii u nima chee. Naah ga di tiwakor ti toor kitork na, ni nyan taasin kpir waabimbiln pu, aan ki ŋmɔ tinann ngbaan.

Kolosiya 1:20

Uma Yesu pu, le ni mɔ Uwumbɔr ke u di tiwan ni mɔmɔk bi paacham, ni tiwan ni mɔmɔk bi kitiŋ na tooh kijɔtiik ubaa chee. Waasin nan nyan uwon ni, ndɔpuinkoo pu; waasin ngbaan pu le Uwumbɔr cha tiwan ngbaan mɔmɔk ni uma ŋa kijɔtiik.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

1 Jɔnn 1:3

Ti tuk nimi taah kan pu na, ni taah ŋun pu na, aan ti ni nimi li kpaan kijɔtiik. Ni ye mbamɔn la, taah kpaan kijɔtiik na, ti ni Tite Uwumbɔr ni Ujapɔɔn Yesu Kristo le kpaan kijɔtiik ngbaan.

Bibɔjirb 20:26

Israel aanib mɔmɔk nan ki buen Betel aatiŋ ni ki ti wii ikpowiil. Bi nan ka Uwumbɔr aanimbiin ni, nima chee, kaa jin tijikaar le nwiin ti lir. Bi nan toor kimɔbaan aapiin aatork, ki di tiwakor ngbaan tibaa timɔnn see mmii ni, Uwumbɔr aanimbiin ni.

Bibɔjirb 21:4

Kitaak aah woln na, kichakpinaanyeek ni, le binib ngbaan maa kitork aabimbiln nima chee, le ki toor kimɔbaan aapiin aatork, le ki di tiwakor ngbaan tibaa timɔnn see mmii ni tii Uwumbɔr.