Liifai Yaab 27:34 - Uwumbɔr aagbaŋ

³⁴ Uwumbɔr nan di ikaal imina le ki di tuk Moses, Sainai Aajool paab, ke u di mɔk Israel yaab.

Liifai Yaab 27:34 ပူးပေါင်းရင်းမြစ်များ

Liifai Yaab 26:46

Uwumbɔr nan di ikaal imina, ni baah ga dii u pu na, le ki di tuk Moses, Sainai Aajool paab, ke u di mɔk Israel yaab.

Liifai Yaab 7:38

Nteersakpiin ni, Sainai aajool pu, nwiin mundaal Uwumbɔr nan bui Israel yaab ke bi toor kitork tii u na, le u nan di ikaal ngbaan tii Moses ke u di tuk bi.

Nkahm 1:1

Israel yaab aah nan nyan Ijipt aatiŋ ni, ni ti saa ŋibin ŋilee na, lelee aaŋmal ni, njan aawiin daal, le Uwumbɔr nan len Moses chee tibɔr, uma Uwumbɔr Aabool ni, Sainai Aateersakpiin ni. U nan bui Moses ke,

Nkahm 28:6

Ni li joo ipiin ngbaan seer mmii ni, iwiin mɔmɔk. Njikaabim aapiin kina aaboln le bi nan pue see mmii tii Uwumbɔr, Sainai Aajool paab, ipiin ngbaan aaboln nu mɔ Uwumbɔr chee.

Nkahm 3:1

N‑yoonn mu Uwumbɔr nan len Moses chee tibɔr Sainai Aajool pu na, Aaronn ni Moses aamaal aah nan ye pu na sɔ:

Nkahm 36:13

Uwumbɔr aah nan di ikaal i mɔk Moses ke u di tii Israel yaab na le na. N‑yoonn ngbaan bi nan bi Moab yaab aateer mu bi Jɔɔdann Aamɔɔl chee, ki lik Jeriko aatiŋ, limɔɔdapuul wɔb.

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Ikaal 1:3

Baah nan nyan ni Ijipt aatiŋ ni aan ni ti saa ŋibin imonko ilee na, ŋmapiik ni ubaa aajan aawiin daal, le Moses nan di Uwumbɔr aakaal imɔk u nan tuk u na mɔk binib ngbaan.

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 4:45

Baah nan nyan ni Ijipt aatiŋ ni, ki nan fuu Jɔɔdann Aamɔɔl, liwipuul wɔb, kifataŋ ki dɔ tok Bef Peor aatiŋ na aapuwɔb, le u nan di ikaal ngbaan mɔk bi. Ni nan ye Amor yaab aabɔr u bi nan yin u ke Sihonn na aapepel ni la, uma le nan bi Hesbonn aatiŋ ni ki joo waanib. Moses ni Israel yaab aah nan nyan ni Ijipt buyoonn na, le bi nan nyaŋ u.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.