Liifai Yaab 26:9 - Uwumbɔr aagbaŋ

⁹ M ga ŋa nimi tinyoor ki tii nimi mbim pam. Maah puu tipuur ti tii nimi na, m ga ŋa min yaan.

Liifai Yaab 26:9 ပူးပေါင်းရင်းမြစ်များ

Mpiin 1:28

le ki ŋa tinyoor ŋa bi pu, le ki bui ke, “Maa, ki pɔr, aan ki gbiin kitiŋ kee pu, ki li lik kitiŋ ngbaan. Li kpa mpɔɔn ijan, ni inyoon, ni tiwan nimɔk fu ki baar kitiŋ pu na.”

Mpiin 17:20

M ŋun saah ban m ŋa pu tii Ismael na, nima pu na, m ga ŋa tinyoor ŋa u pu, ki tii u mbim, ni yaabitiib pam. U ga li ye bibɔrb kipiik ni bilee aate la, le m ga cha uyaabitiib ŋa litimbokpaan.

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 48:4

U nan bui mi ke, ‘M ga tii si mbim pam, nima kan, saamaal ga ŋa ŋitimbol ŋi wiir na. M ga di kitiŋ kee tii saamaal ki li ye biyaan ki cha n‑yoonn mu kaa kpa ndoon na.’”

Mpiin 6:18

Tɔ, m ga puu tipuur tii si. Aa ni aapuu, ni saabim, ni bipuutiib koo buŋɔb ngbaan ni.

1 Bibɔrb 3:8

Min le ka do, binib bi aa lee ke bi li ye saanib, aan bi wiir, ubaa aan ŋmaa kahn bi na, aakaasisik ni na.

2 Bibɔrb 13:23

le Uwumbɔr nan kpa tibulchinn ki san bi kinimbaak. Waa nan kii ke bi kuln bi, le ki ter bi waah nan puu tipuur ti tii Abraham, ni Aisak, ni Jakob na pu. Waa kee suln waanib bɔr daalbaadaal.

Nehemia 2:20

Le m gar bi ke, “Uwumbɔr u bi paacham na ga tii timi taah ban pu na. Timi le ye waanaagbiib, le ki ga piin ki maa. Le nimi aa kpa nsan ni ji Jerusalem aafaal libaa, kaa bi kaakaal mu ni.”

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Ilahn 89:3

Aa len ke, “M puu tipuur tii uja u m lee u na, uma le ye maatutunn David; m puu tii u ke,

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Nnyam 2:25

U kan Israel yaab aah ji falaa pu na, le naa mɔr u, le utafal nan bi bi ni.

Nnyam 6:4

M nan ki puu tipuur tii bi ke m ga di Kanaann aatiŋ ki bi nan ye biwɔwɔm ki ponn ni na tii bi.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 23:4

M ga ban biyidam bi ga li joo bi na. Maanib aan ki li san ijawaan, le maan ki daa bitafal. Min Uwumbɔr le len kina.”

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Esekiel 16:62

M ga ki gir fikr tipuur ti m nan puu tii si na, le aa bee ke min le ye Uwumbɔr.

Esekiel 36:9

M si nichaŋ ni, m ga kan ke bi kon nimi aatim ki bun njikaabim mu pu.

Liifai Yaab 26:15

Ni yaa yii, kaa dii maakaal, ni maah len pu na, ki bii tipuur ti m puu tii nimi na kan,

Tibɔnyaan ti Luk ŋmee ti na 1:72

U nan len ke u ga san tiyaajatiib kinimbaak, ki teer waah puu tipuur ti ye chain na bɔr.

Ikaal 28:11

Uwumbɔr ga ŋa tinyoor ŋa ni pu, ni li kpa mbim, ni tiwakor, ni tijikaar pam, kitiŋ ki u nan puu tipuur tii niyaajatiib ke u ga di tii nimi na ni.

Ikaal 28:4

“Uwumbɔr ga ŋa tinyoor ŋa ni pu, ki tii nimi mbim, ni tijikaar, ni tiwakor pam.

Ikaal 7:13

U ga li gee nimi ki ŋa tinyoor ŋa ni pu, nima kan, ni ga pɔr kpee, ki li kpa mbim pam. U ga ŋa tinyoor ŋa nimi aasar, ni tijikaar, ni ndaan aasubil, ni olif aakpan pu; u ga ŋa tinyoor ŋa ni pu, ki tii nimi tiwakor pam. U ga ŋa ni pu tinyoor tee mɔmɔk aaboln, kitiŋ ki pu u nan puu tii niyaajatiib ke u ga di tii nimi na.

Hiibru Yaab 8:9

Tipuur ngbaan aan li bi ke tipuur ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. Baa nan joo tipuur ngbaan, nima le maa nan ki gar bi. Min Uwumbɔr le len kina.