Liifai Yaab 26:8 - Uwumbɔr aagbaŋ

⁸ le nimi biŋmu ga ŋmaa nyaŋ nimi aadim nkub, le nimi nkub ga ŋmaa nyaŋ nimi aadim ŋichur kipiik.

Liifai Yaab 26:8 ပူးပေါင်းရင်းမြစ်များ

1 Bibɔrb Aabɔr 11:11

Njan yoo le nan ye Jasobeam, u nan ye Hakmonn aataŋaal pu aanii na. Uma le nan ye “Bitaa na” aayidaan. U nan di waakpaatuŋ ton butɔb bijab ikui itaa ponn ni, ki ku bi mɔmɔk butɔb bubaa ni.

1 Bibɔrb Aabɔr 11:20

Joab aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

Esta 9:16

Juu yaab bi nan bi ŋipepel mɔmɔk ni na mu nan gor bibaa pu ki sil kiir umɔk tak bi na. Bi nan ku baadim ngbaan aanib ŋichur imonko itaa ni kipiik ni ŋiŋmu la. Bi mu aa nan yoor baah ku binib bi na aawangol.

Liifai Yaab 26:7

M ga cha ni nyaŋ nimi aadim,

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Nkahm 14:9

Taa yii Uwumbɔr man, ki mu taa san binib bi koo nima chee na ijawaan. Ti ga ŋmaa nyaŋ bi, naan li pɔɔ. Uwumbɔr bi ti chee, le ki nyaŋ baawaa ŋi kii bi na; nima pu na, taa san ijawaan man.”

Nkahm 31:4

Ni nyan linibol mɔmɔk ni bijab lichur libaa, bi buen butɔb ngbaan.”

Ikaal 28:7

“Uwumbɔr ga nyaŋ nimi aadim bimɔk tak nimi na; bi ga nya lipepel libaa wɔb le ki nan tak nimi, le ni ga nyaŋ bi, aan bi san yaa ŋipepel mɔmɔk.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Josua 23:10

Ni ponn ni unibaan ga ŋmaa nyaŋ binib lichur; ba pu? Nidindaan Uwumbɔr le nyaŋni bi tii nimi, ke waah nan puu pu na.

Bibɔjirb 15:15

U nan kan ubon u laa kpo na aamɔkpaween dɔ. U nan boon ki pii mu, ki di mu ku bijab lichur.