Liifai Yaab 26:5 - Uwumbɔr aagbaŋ

⁵ Tijikaar ngbaan ga li wiir sakpen, le buyoonn ni bi ker ndaan aasubil na, ni ga li beenin bi chee tijikaar nimi aasar ni. Buyoonn ni bi ko ki bu nimi aajikaar na, ni ga li beenin bi ker ndaan aasubil mu. Naah ban tijikaar timɔk ni ji na, ni ga kan ti, le ki li bi kitiŋ ngbaan ni, ki li kpa nsuudoon.

Liifai Yaab 26:5 ပူးပေါင်းရင်းမြစ်များ

Ilahn 144:13

Cha timi aapil li gbii tijikaar mɔmɔk aabɔŋ. Cha timi aapiih i bi kipihkpaamook ni na pɔr churbakaa.

Ilahn 90:1

Uwumbɔr, n‑yoonn mɔmɔk kan, sin le ye timi aakookoo yaan.

Nnyam 16:8

Le Moses ki bui bi ke, “Ni ye Uwumbɔr ubaa le ga tii nimi tinann kijook kee, le kichakpiik ni u ga tii nimi tijikaar naah ban pu na, ba pu? u ŋun naah len tibɔbir u pu sakpen pu na; n‑yoonn mu ni len tibɔbir ti pu na, ni ye mbamɔn ke ni len Uwumbɔr la.”

Ŋiyataŋak 1:33

Unii umɔk ŋun tii mi na aan kan tibɔbir tibaa. U ga li kpa lifuur, kaan li san ijawaan.”

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 1:19

Ni yaa kii maamɔb kan, ni ga kan tijikaar pam nimi aatiŋ pu.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Jeremia 23:6

U yaa nan ŋa ubɔr kan, Juda aanib ga kan lifuur, le Israel aanib kan nsuudoon. Bi ga li yin u ke ‘Uwumbɔr u gaal timi lir na’ la.”

Hosea 2:18

N‑yoonn ngbaan le m ni ipeel, ni inyoon i bir na ga puu tipuukpaan tii tɔb, le ni taa ŋa maanib nibaa. M ga ki nyan butɔb aajawan mɔmɔk ni ye kijaak aajum na, ni itɔi na kitiŋ ngbaan ni, ki cha maanib li bi nsuudoon, ni lifuur ni.

Hosea 2:20

M ga li joo maah puu tipuur ti na ki cha aa li ye min yoo, ki cha aa bee ke min le ye Uwumbɔr.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Joel 2:22

Tiwakor, taa cha ijawaan li joo nimi man. Nimi aamoŋmɔpaan ki boln timosɔnn isui mɔmɔk lun ŋisubil, le ŋikakan ni ŋisubil ŋiken moo kpee.

Joel 2:26

Dandana wee ma kan, ni ga kan sakpen ki ji bab. Ni ga pak Nidindaan Uwumbɔr u ŋa lijinjiir aawan ngbaan ki tii nimi na. Ubaa aan ki lik seen min Uwumbɔr aanib.

Amos 9:13

Uwumbɔr le ki len ke, “N‑yoonn choo, buyoonn tijikaar ga ŋa mala mala ki jer baah ga ŋmaa chee pu na, le ndaan aasubil ga lu mala mala ki jer baah ga ŋmaa ŋaa ndaan pu na. Ŋijoo ni ŋigongon paab ga kpaln ikpaakon ŋmeen la.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Lituln 14:17

N‑yoonn mɔmɔk u mu ŋani nimi tiŋann, ki tii nimi utaal, ki cha tijikaar ŋani, ki kpiini nimi, ki cha ni kpa mpopiin, u mɔk nimi ke u bi.”

Ikaal 11:15

Timoor ga li bi, nimi aawakor ŋmɔ. Ni ga kan naah ban tijikaar ti na mɔmɔk.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.