Liifai Yaab 26:4 - Uwumbɔr aagbaŋ

⁴ m ga cha utaal nu waayoonn, nima kan, kitiŋ ngbaan ga ŋa tijikaar, le isui mu ga lu ŋisubil.

Liifai Yaab 26:4 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

Job Aagbaŋ 5:10

U cha utaal nu kitiŋ pu le ki tii ikpaakon nnyun.

Ilahn 104:13

Aa cha utaal nya kitaapaak ki lir ni ŋigongon pu, le ki cha kitiŋ kani saanyoor.

Ilahn 67:6

Kitiŋ nyan kaajikaar; Uwumbɔr, timi Aawumbɔr ŋa waanyoor ŋa ti pu.

Ilahn 67:7

Uwumbɔr ŋa waanyoor ŋa ti pu; Cha binib bi bi ni kookoo na nyuŋ u.

Ilahn 68:9

Aa nan cha utaasakpiin nun, le saatiŋ ki nan sar na ki gir,

Ilahn 85:12

Uwumbɔr ga tii timi liwankpal, le timi aatiŋ ŋa tijikaar pam.

Ilahn 85:13

Mbimbinyaan le ga loln Uwumbɔr pu nsan, ki toor nsan tii u.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Esekiel 36:30

M ga cha nimi aasubil aasui moo lu, ki cha nimi aasar mu pɔr, aan nkon taa ki li bi ki jinn nimi inimɔɔn ŋitimbol ŋiken chee.

Joel 2:22

Tiwakor, taa cha ijawaan li joo nimi man. Nimi aamoŋmɔpaan ki boln timosɔnn isui mɔmɔk lun ŋisubil, le ŋikakan ni ŋisubil ŋiken moo kpee.

Liifai Yaab 25:19

Kitiŋ ngbaan ga ŋa kaajikaar, le ni ga li kpa naah ban pu na mɔmɔk, ni ji, aan ki li kpa nsuudoon.

Liifai Yaab 25:21

Tɔ, Uwumbɔr ga ŋa kitiŋ ngbaan tinyoor ki cha ki ŋa tijikaar libiloloob ponn ni, aan ni ji ti ŋibin ŋilee.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Matiu 5:45

Ni yaa ŋani kina kan, ni ga li ye Nite Uwumbɔr u bi paacham na aabim; uma le cha waawiin puur ki woln tiniwanbir ni bininyaam pu, ki cha utaal nu ki tii binib bi ŋan na, ni binib bi kaa ŋan na.

Lituln 14:17

N‑yoonn mɔmɔk u mu ŋani nimi tiŋann, ki tii nimi utaal, ki cha tijikaar ŋani, ki kpiini nimi, ki cha ni kpa mpopiin, u mɔk nimi ke u bi.”

Ikaal 11:13

“Kina pu na, ni li joo waakaal i m di tuk nimi din wee na mbamɔm, ki li gee Nidindaan Uwumbɔr, ki li joo nisui mɔmɔk tun waah ban pu na.

Ikaal 11:14

Ni yaa ŋa kina kan, u ga cha utaal nu kitiŋ ngbaan pu, le ni yaa ti ŋeer unaalan, ni linimoogaal aayoonn kan, u ga cha utaal nu. Nima kan, ni ga li kpa njikaabim, ni ŋisubil aadaan, ni olif aakpan sakpen.

Ikaal 28:12

U ga cha utaal nyan ni paacham ki nan nu n‑yoonn mu ŋeer na, le nimi aatiŋ ga ŋa tijikaar pam, nima kan, ni ga pinn tii ŋinibol pam, le nimi ma aan buen bi chee ke ni ti pinn nibaa.

Jemisi 5:7

Nnaabitiib, nima pu na, ni li kpa limɔr ki ti saa bundaln Tidindaan ga gir ni na. Lik man, ukpaal aah kpa limɔr pu ki kii buyoonn waasaak ga nan ŋa tijikaar nyaan na. U kpa limɔr ki kii unaalantaal ni utakuutaal aah ga nan nu pu na.

Tibɔkpiirkaan 11:6

Biseeraadam bilee ngbaan nan kpa mpɔɔn bi kiir utaal u taa nu buyoonn bi bi mooni Uwumbɔr aabɔr na, ki kpa mpɔɔn ki cha nnyun kpaln nsin, ki kpa mpɔɔn ki cha falaa aabɔŋ mɔmɔk lir dulnyaa wee ni, n‑yoonn mumɔk bi gee na.