Liifai Yaab 26:30 - Uwumbɔr aagbaŋ

³⁰ M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.

Liifai Yaab 26:30 ပူးပေါင်းရင်းမြစ်များ

Mpiin 19:13

ba pu? ti ban ti bii kitiŋ kee din wee la. Uwumbɔr kan binib bee aatunwanbir aah wiir pu na, le u tun ni timi ke ti nan bii Sodom aatiŋ ngbaan.”

1 Bibɔrb 13:2

Uwumbɔr aah nan tuk waabɔnabr ngbaan pu na, u nan bii kitork aabimbiln ngbaan ki bui ke: “Kitork aabimbiln, kitork aabimbiln, Uwumbɔr aah len pu na sɔ: Ubo, u aayimbil ga li ye Josia na, ga nya David aadichal ni. U ga kɔr bitotoorb bi tun ŋiwaabimbin pu lituln ki toor kitork aa pu na, paan aa pu. U ga di unibɔn aakpab see mmii ni aa pu.”

1 Bibɔrb 13:32

Waah nan di Uwumbɔr aamɔbon len bii kitork aabimbiln li bi Betel ni na, ni tiwaadir timɔk bi Samaria aatim ni na ga sil gbiin kina.”

2 Bibɔrb 23:16

Le Josia lik mann goln ubaa ki kan ŋikaakul ŋibaa ligongoln pu nima; le u cha bi kur nyan ikpab i bi ŋi ponn ni na le ki di see mmii ni, kitork aabimbiln ngbaan pu. U nan ŋa kina le ki bii kitork aabimbiln ngbaan. U nan ŋa Uwumbɔr aabɔnabr aah nan puen len ke ni ga ŋa pu buyoonn Ubɔr Jeroboam nan si libimbiln ngbaan chee njim mubaa ponn ni na. Josia nan lik mann le ki kan Uwumbɔr aabɔnabr u nan len ke kina ga ŋa na aakaakul.

2 Bibɔrb 23:20

U nan kɔr uwaadaan mɔk waah nan toor kitork libimbiln li pu na la, le ki di unibɔn aakpab see mmii ni libimbiln mɔk pu, le ki gir kun Jerusalem aatiŋ ni.

2 Bibɔrb 23:8

U nan di bitotoorb bi bi Juda aatim ni na buen Jerusalem aatiŋ ni, ki nan bii ŋibimbin ŋi mɔmɔk bi nan toor kitork ŋi pu na kitiŋ ngbaan mɔmɔk pu. U nan ki ber ŋibimbin ŋi bi nan maa tii uŋoob aawaal aan li bi kitiŋ ngbaan aayidaan Josua aabisamɔb chee na. Aa yaa chaa koo kitiŋ ngbaan ni kan, kina aabisamɔb ngbaan bi kitiŋ ngbaan aabisamɔbamɔnn na aaŋangan wɔb la.

2 Bibɔrb Aabɔr 23:17

Le bi mɔmɔk dii buen liwaal Baal aawaadiik ni ki ti tur ki lii. Bi nan gbaa wii laawaabimbin, ni baah maa ŋiwaa ŋi siin ki ponn ni na, le ki ku Baal aawaadaan, u bi nan yin u ke Matann na bil ŋibimbin ngbaan chee.

2 Bibɔrb Aabɔr 31:1

Njim ngbaan aah jer doo na, Israel aanib mɔmɔk nan buen Juda aatiŋ mɔk ni, le ki ti gbaa wiil ŋiwaatakpal, ki gbaa wɔi liwaapii Asera aanaŋ, ki ber ŋiwaa aatork aabimbin ni tiwaachur mɔmɔk. Bi nan ŋa Juda aatim mu gur na ni mu kina la. Bi nan ŋa kina Benjaminn, ni Efraim, ni Manase aapepel ni, le ki nin gir kun.

Ilahn 106:40

Le Uwumbɔr aaŋuul nan fii bima waanib pu; bi nan gur sukr uponn ni la.

Ilahn 89:38

Le saaŋuul fii saah lee ubɔr u na pu; aa siir cha u ki yii u.

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 16:18

M ga cha bi pa paan baatunwanbir ni baabiin pu nfum mulee, ba pu? bi di ŋiwaa ŋi kaa fu ke linikpol na bii maatiŋ, le ki di ŋiwaa ŋi ye tiwan ni maa gee ŋaabɔr na gbiin ki ponn ni.”

Esekiel 16:39

M ga di si ŋa baapɔɔn ni, le bi ga ber ŋibuu ŋi ponn ni aa tun kidagook aatun ki dooni ŋiwaa na. Bi ga di saakeken ni saaleenyaan buen ki cha si aaŋmeen.

Esekiel 43:7

“Unibɔn, maabɔrjal sɔ do. M ga li bi do, maanib Israel yaab aakaasisik ni, ki li joo bi cha n‑yoonn mu kaa kpa ndoon na. Israel aanib, bee baabɔrb aan ki dii ŋiwaa, kaan ki sub baabɔrb do chee na ki jinn maayimbil li bi chain na inimɔɔn daalbaadaal.

Esekiel 6:13

Ŋinikpol ga li dɔ ŋmal ŋiwaa ni ŋiwaabimbin ni, ki yaa gbiin ligongoln limɔk paa na pu, ni lijool mɔk pu, ni bususoom mɔk, ni likpaln mɔk taab, ni nin chee mɔk bi seer nnyɔknii tii ŋiwaa na. Le unii mɔmɔk ga bee ke min le ye Uwumbɔr.

Hosea 10:2

Binib bi aasui ni ye ŋŋmann ŋmeen na ga ji baatunwanbir aafalaa. Uwumbɔr ga gbaa wii baawaa ni ŋaabimbin ngbaan ki tur ŋi lir.

Liifai Yaab 20:23

Ni taa gaa kitiŋ ngbaan aanib aakaal; m ban m jenn nyan bakadam ngbaan aan ni koo kitiŋ ngbaan ni. Baah ŋani tiwan nimɔk na aa ŋan, m nan baabimbin mu bir na sakpen a.

Liifai Yaab 26:11

M ga li bi ni chee, Maabool li bi chain na ni, le maan di nimi lii kpala.

Liifai Yaab 26:15

Ni yaa yii, kaa dii maakaal, ni maah len pu na, ki bii tipuur ti m puu tii nimi na kan,

Amos 6:8

Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Amos 7:9

Nin chee Aisak aayaabitiib nan mee min Uwumbɔr na mɔmɔk ga bii doo. Israel yaab aameen aadir mɔmɔk ga kpaln ŋilangben ŋi ber doo na la. M ga kuln ubɔr Jeroboam aanaan.”

Ikaal 32:19

Uwumbɔr aah kan kina na, le u gee liŋuul bi pu, ki yii ujapɔtiib ni ubisatiib,