Liifai Yaab 26:3 - Uwumbɔr aagbaŋ

³ “Ni yaa bi maakaal aah mɔk nimi pu na, ki kii maah len pu na mɔmɔk kan,

Liifai Yaab 26:3 ပူးပေါင်းရင်းမြစ်များ

Nehemia 1:9

Le ni yaa fenn ki gir ni m chee ki ŋa maah bui nimi pu na kan, m ga giin ni nimi nin chee m lee ke ni li dooni mi na; le ni yaa po yaa yaa ki koo kitiŋ kee aadoon mɔk nin chee na kan, m ga giin ni nimi.’

Nnyam 23:25

Ni yaa dooni min Nidindaan Uwumbɔr kan, m ga ŋa tinyoor ŋa ni pu, le ni kan tijikaar ni nnyun, le m ga nyan iween ni chee.

Aisaya 1:19

Ni yaa kii maamɔb kan, ni ga kan tijikaar pam nimi aatiŋ pu.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Liifai Yaab 19:25

Libiln ŋmuŋmur ni kan, ni ga ŋmaa ji ŋisubil ngbaan. Ni yaa ŋa maah mɔk nimi pu na kan, nimi aasubil aasui ga lu sakpen. Min le ye Nidindaan Uwumbɔr.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Malakai 3:10

Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.

Ikaal 7:12

“Ni yaa ŋun ki joo ikaal yee mbamɔm kan, Nidindaan Uwumbɔr ga li beenin joo waah puu tipuur ti na, ki ga mɔk nimi waageehm mu bi n‑yoonn mɔmɔk na, ke waah nan puu pu tii niyaajatiib na.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.