Liifai Yaab 26:26 - Uwumbɔr aagbaŋ

²⁶ Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Liifai Yaab 26:26 ပူးပေါင်းရင်းမြစ်များ

2 Bibɔrb 6:25

Baah nan gob Samaria aatiŋ pu na, tijikaar aa nan ki bi Samaria aatiŋ ni, le ubon aayil nan daa tikur aamombil imonko inaa, le ŋituun likuruwaageln daa tikur aamombil ŋiŋmu.

Ilahn 105:16

Uwumbɔr nan tun ni nkon baatiŋ pu, ki chuu gaa baajikaar mɔmɔk.

Aisaya 3:1

Dandana wee, Tidindaan Uwumbɔr u ye Mpɔɔnsakpiindaan na ban u chuu nyan Jerusalem ni Juda ponn ni tiwan, ni binib bimɔk nan joo ntim ngbaan aanib na. U ban u chuu yoor baajikaar, ni baanyun,

Aisaya 5:10

Ŋisubil aasui i ni ŋum ŋibal kipiik aakpaab ni na aasubil aanyun ga gbiin kpalba biniin baanja la. Bɔtɔ mam nkub aajikaabim mu ni di bun na ga nan nyan bɔtɔ mam kipiik baanja la.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Esekiel 14:13

“Unibɔn, kitiŋ yaa tun titunwanbir kaa ki ŋani maah len pu na kan, m ga taln ŋŋaal le ki kuln kaajikaar. M ga tun ni nkon ki ku binib ni tiwakor mu.

Esekiel 4:10

Nwiin mubaa kan, saajikaar le ga li ye boroboro u aanyunyuun ye njikaabim lichakpaal libaa na, uma le aa ga li joo ki ti woln kitaak.

Esekiel 4:16

U nan ki len ke, “Unibɔn, maan ki cha tijikaar li bi Jerusalem aatiŋ ni ke taah nan bi pu na. Binib bi bi nima na aasui ga bii, le bi ga li san ijawaan baah ga li ŋaŋi baajikaar ti bi ji na, ni baah nyu nnyun mu na pu.

Esekiel 4:17

Baajikaar ni nnyun ga doo; bitaakpab ga yɔl, le baatunwanbir pu bi ga foor doo.”

Esekiel 5:16

Maan ki cha ni kan tijikaar, le ni ga kpo nkon aaween pu ke ipiin i ka sakpen na le aah choo i nan kuln nimi na.

Hosea 4:10

Bi yaa toor kitork kan, ni ga ji nimi yaan, ki mu aan bab. Ni ga li dii timar aawaa, ki mu aan li kpa mbim, ba pu? ni fenn nipuwɔb tii mi, le ki ti dii ŋiwaa.”

Liifai Yaab 26:27

“Nimina mɔmɔk yaa ŋa aan ni laa beenin bii maakaal ki yiil maamɔb kan,

Maika 6:14

Ni ga ji, le ki mu aan bab; mbamɔn, nkon ga li joo nimi. Ni ga kuun liwangol di bil, le ki mu aan ŋmaa li joo li; naah ga li kpa tiwan nimɔk na, m ga bii kina aawan butɔb ponn ni.

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.