Liifai Yaab 26:22 - Uwumbɔr aagbaŋ

²² le ki cha tipeewanbir dan ni pu, le ti ku nimi aabim, ki bii nimi aawakor, le nimi bi ga gur na aan ki li wiir, ki cha nimi aasan doon nkuun.

Liifai Yaab 26:22 ပူးပေါင်းရင်းမြစ်များ

2 Bibɔrb 17:25

Baah nan puen kal nima chee na, baa nan dooni Uwumbɔr, kina pu le u nan cha ichinn dan ki nan ku bi ponn ni bibaa.

2 Bibɔrb 2:24

Elaisa nan fenn lik bi, le ki di Uwumbɔr aayimbil puun lii bi pu. Le tipeewanbir tibaa nyan ni kichook ni ki nan dar par par bi ponn ni mbijabim imonko ilee ni bilee.

2 Bibɔrb Aabɔr 15:5

Tibɔr ni mbimbin yɔl yɔl aah nan bi kitiŋ mɔk ni na, ubaa aa nan ŋmaa nya waatiŋ ni, ki ki gir ni laafee n‑yoonn ngbaan.

Aisaya 24:6

Kina pu le Uwumbɔr puun lii kitiŋ pu. Kaanib bi pa baah tun pu na pu la. Bi ponn ni siib le ga gur.

Aisaya 33:8

Isanja ni gbii tibɔbir sakpen le binib aa ki ŋmaa dii i. Mmɔkpaan na mɔmɔk bii le kimɔbaan mu aa ki bi. Unii ubaa aa ki kan kipak.

Jeremia 15:3

Min Uwumbɔr le siin ke tibɔbir nfum munaa pu ga kan bi: bi ga kpo butɔb ni, le ibɔ ga fuul baawon buen, le inyoon ga ji ti, le ipeel ga di ti gur na ŋmɔ.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Esekiel 14:15

“Nibaakan, m ga ŋmaa cha ipeel i bir na dan ki nan ku binib, ki cha kitiŋ ngbaan li bir aan ubaa taa ŋmaa dii ki ponn ni ki jer,

Esekiel 14:21

Aadindaan Uwumbɔr aah len pu na sɔ: “M ga cha maatafadaan munaa mu bir sakpen na le dan Jerusalem aatiŋ pu. Muma le ye butɔb, ni nkon, ni ipeel i bir na, ni iween, aan ni nan kuln binib ni tiwakor mu.

Esekiel 33:28

M ga cha kitiŋ ngbaan kpaln kitikuun ki kaa kpa nibaa na, le mpɔɔn mu bi nan mak mu pu sakpen na ga doo. Israel aajoo pu ga li bir sakpen, le ubaa aan dii ŋi chee ki jer.

Esekiel 5:17

M ga cha nkon ni ipeel i bir na ku nimi aabim, ki cha iween, ni linikul, ni butɔb ku nimi. Min Uwumbɔr le len kina.”

Liifai Yaab 26:6

“M ga tii nimi nsuudoon nimi aatiŋ ngbaan ni, le ni ga li dɔ geen kaa san ijawaan ibaa. M ga kuln tipeewanbir timɔk bi nimi aatiŋ ni na, le butɔb aan ki li bi nima chee.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Sekaria 7:14

M nan ŋar bi ŋŋaan ke kitaabuŋ na ke bi ti li koo ntiyayam ni. Kitinyaan kimina nan kpaln nkuun, le ubaa aa ki bi ki pu.”

Ikaal 32:24

Bi ga kpo nkon, ni iween ponn ni la, le iween i bir na mu ga ku bi. M ga cha tipeewanbir le dan nan lir bi pu, ki cha iwaa i kpa liluul sakpen na mu junn bi.

Bibɔjirb 5:6

Anaf aajapɔɔn Samgar ni Jael aayoonn na, bisachum ni baalaakumii tiib aa nan ki jer nima, bisachum nan gur diir nsanbim la.