Liifai Yaab 26:19 - Uwumbɔr aagbaŋ

¹⁹ M ga bii nimi aatafalaaŋun aagaak ki ni kpa na; le utaal aan ki nu, kitiŋ ngbaan ga kuur ki pɔɔk ke tikur na.

Liifai Yaab 26:19 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 8:35

“Saanib yaa tun si titunwanbir, aan aa chuu utaal, waa ki nu, le bi yaa kpeln baabimbin, ki di binimbil toŋ ni Saadichal limina, ki sunn bibaa taab, ki mee si kan,

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 25:11

Bi ga taln biŋaal ke baah ban bi wo nnyun le na, le Uwumbɔr ga jinn bi inimɔɔn, le biŋaal ga yɔl lir kitiŋ.

Aisaya 26:5

U sunn kigaadam taab, ki kuln baatiŋ ki pɔɔ na, ki gbaa wiil kaagon ŋmal titan ni.

Aisaya 28:1

Tibɔbir bi Israel aanaan pu. Kipak ki nnaan ngbaan aaninkpiib nan kpa na bi gbaar lir ke nsupuun mu bi di tuun baabɔryikpupur pu na la; ba pu? bi ye bidagbiib la. Bi di tulalee di gbaa biyil ŋi bi tu ŋi paacham na pu, le ki mu aa ŋmaa buen nibaa chee, bi nyun gbii ki dɔ gbara nima chee.

Jeremia 13:9

“Kina le m ga bii Juda ni Jerusalem yaab aagaak sakpeŋ ngbaan.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 30:6

Uwumbɔr ki len ke, “Ki nya Migdol aatiŋ ki bi ŋŋangan wɔb na ki ti saa Aswann aatiŋ ki bi ŋŋangii wɔb na, bi ga ku Ijipt yaab bi kii kitiŋ ngbaan na mɔmɔk. Bi ga kuln Ijipt aatɔb aajab bi kpa kigaak na. Min Dindaan Uwumbɔr le len kina.

Esekiel 33:28

M ga cha kitiŋ ngbaan kpaln kitikuun ki kaa kpa nibaa na, le mpɔɔn mu bi nan mak mu pu sakpen na ga doo. Israel aajoo pu ga li bir sakpen, le ubaa aan dii ŋi chee ki jer.

Esekiel 7:24

M ga cha ŋitimbol ŋi tun titunwanbir sakpen na dan do ki nan gaa nimi aadichal. M yaa cha ŋitimbol ngbaan bii naah dooni nimi aawaa ŋi na kan, nimi aajab bi pɔɔ sakpen na aawon ga yɔl.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Tibɔnyaan ti Luk ŋmee ti na 4:25

“Li pel man, Elaija aayoonn na, utaal aa nan nun ŋibin ŋitaa ni iŋmal iloob. Le nkon sakpem lir kitiŋ ngbaan ni. N‑yoonn ngbaan Israel yaab ponn ni bikpopiib nan bi ki wiir.

Ikaal 11:17

Ni yaa ŋa kina kan, Uwumbɔr ga gee ni pu liŋuul; waan ki cha utaal nu, le nimi aatiŋ ga kuur ki ti chaar jer, le nimi aajikaar aan ŋmaa ŋa. Hali kitiŋ ngbaan aah ye kitinyaan pu aan u di ki tii nimi na, naan ki yunn le ni ga kpo.

Ikaal 28:23

Utaal aan nu nimi aatiŋ ni, le kitiŋ kuur ki pɔɔk ke tikur na.

1 Samuel 4:11

le ki gaa Uwumbɔr Aakaal Aadakaa, ki ku Eli aajapɔtiib, Hofni ni Fineas.

1 Samuel 4:3

Bijab bi nan ŋmar na aah nan fuu ni baah nan tiŋ ka nin chee na, le Israel aayidam bui ke, “Ni ŋa kinye aan Uwumbɔr cha Filistia yaab ngbaan nyaŋ timi din wee? Cha ti buen Silo man, ki ti yoor ni Uwumbɔr Aakaal Aadakaa, aan u dii timi buen ki ti gaa timi lii timi aadim chee.”