Liifai Yaab 26:13 - Uwumbɔr aagbaŋ

¹³ Min, Nidindaan Uwumbɔr le nyan ni nimi Ijipt aatiŋ ni, ke ni taa ki li ye binaagbiib. Min le nyan nimi mpɔɔn mu nan joo nimi na ni, le ki cha ni chuun aan niyil yaa paacham.”

Liifai Yaab 26:13 ပူးပေါင်းရင်းမြစ်များ

Ilahn 116:16

Uwumbɔr, m ye saatutunn la; m tun saatuln ke nna aah nan tun pu na la. Aa nyan mi nkun ni.

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Aisaya 51:23

M ga di falaa ngbaan tii binib bi muk nimi na la, binib bi nan cha ni doon titan ni, kitiŋ ponn ni na, aan bi taa taa ni pu ke naah ye titan le na, bima le ga ji falaa ngbaan.”

Aisaya 9:3

Uwumbɔr, aa tii bi mpopiin sakpen a; aa cha bisui piir sakpen a. Bi mɔɔni saah ŋa pu tii bi na pu, ke binib aah chee njikaabim kan, bi mɔɔni pu na, bee bi yaa yakr tiwan ni bi jan kijaak ki gaa ni na kan, baah mɔɔni pu na,

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 28:2

U nan bui mi bitotoorb ni binib ngbaan mɔmɔk aanimbil ni, ke Uwumbɔr Mpɔɔnsakpiindaan, u ye Israel yaab Aawumbɔr na len ke, “M bii Babiloŋ aabɔr aapɔɔn.

Jeremia 28:4

M ga giin ni Juda aabɔr Jehoyachinn, u aate ye Jehoyakim na, ni Juda aanib bi mɔmɔk nan buen tinaagbiir ni Babiloŋ ni na. Een, m ga bii Babiloŋ aabɔr aapɔɔn. Min Uwumbɔr le len kina.”

Esekiel 30:18

M yaa nan bii Ijipt aapɔɔn mu bi nan mak mu pu sakpen na kan, mbɔmbɔɔn ga lir Tapanes aatiŋ pu. Ntaalangbam ga biin Ijipt aatiŋ pu, le bi ga chur kaatim mɔmɔk aanib tinaagbiir.

Esekiel 34:27

Isui ga lu ŋisubil, tisar ga ŋa tijikaar, le unii mɔmɔk ga li bi waatiŋ pu, ŋŋmarm ni. M yaa kii maanib aakululn ki gaa bi binib bi nan di bi ŋa binaagbiib na chee lii kan, n‑yoonn ngbaan le bi ga bee ke min le ye Uwumbɔr.

Hosea 11:4

M di ngeehm ni lineen daa bi dan mbaa chee. M nan yoor bi paacham ki di buŋ mbɔgbiln pu; m nan sɔɔn taab ki kpiin bi.

Liifai Yaab 25:38

Nidindaan Uwumbɔr aakaal le na, uma le nyan ni nimi Ijipt aatiŋ ni, ke u di Kanaann aatiŋ tii nimi, aan ki li ye nimi Aawumbɔr.

Liifai Yaab 25:42

Israel aanib ye Uwumbɔr aanaagbiib la, le u nyan ni bi Ijipt aatiŋ ni; ni taa di bi ŋa binaagbiib.

Liifai Yaab 25:55

Naa ŋan ke Israel aanii li ye unaagbiija kina ki cha, ba pu? Israel yaab ye Uwumbɔr aanaagbiib la. Uma le nyan ni bi Ijipt aatiŋ ni, ki ye Bidindaan Uwumbɔr.

Nahum 1:13

Dandana wee ma m ga kuln Asiria yaab aapɔɔn mu bi nan kpa ni pu na, ki kii tikululn ti nan buu nimi na.”