Liifai Yaab 26:1 - Uwumbɔr aagbaŋ

¹ Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Liifai Yaab 26:1 ပူးပေါင်းရင်းမြစ်များ

2 Bibɔrb 17:10

Bi nan siin siin ŋigongon mɔmɔk, ni busub bumɔk kpa mboon na taab ŋiwaabimbin ni liwaapii Asera aanaŋ,

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

2 Bibɔrb 17:8

le ki dii Uwumbɔr aah nan jenn nyan binib bi baatiŋ pu buyoonn Israel yaab choo na aakaal, le ki gaa ikaal i Israel aatiŋ aabɔrb nan naan tii bi na.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Ilahn 97:7

Unii umɔk dooni ŋiwaa na jin inimɔɔn a; ŋiwaa mɔmɔk gbaani Uwumbɔr aanimbiin ni la.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 20:23

Ni taa naan tikunabr, bee salmaa aawaa ke ni li dooni ŋi ki kpee m pu.

Nnyam 23:24

Ni taa gbaan ki doon baawaa, ki taa gaa baah dii baawaa pu na. Ni gbaa wiil baawaa, ni ŋitakpal ŋi bi dooni na.

Nnyam 34:17

“Ni taa di tikur ŋa liwaal ki li dooni li.

Aisaya 2:20

Nwiin ngbaan yaa fuu ni kan, bi ga di baah di salmaa ni tikunabr maa ŋiwaa ŋi na mee, ki san cha ŋi, ki di ŋi tii ŋinaasɔn ni tinanjenn.

Liifai Yaab 19:4

“Ni taa yii mi aan ki li dooni ŋiwaa, ni taa di tikur naan ŋiwaa ki doon ŋi. Min le ye Nidindaan Uwumbɔr.

Liifai Yaab 25:55

Naa ŋan ke Israel aanii li ye unaagbiija kina ki cha, ba pu? Israel yaab ye Uwumbɔr aanaagbiib la. Uma le nyan ni bi Ijipt aatiŋ ni, ki ye Bidindaan Uwumbɔr.

Liifai Yaab 7:33

Le utotoor u di nsin ni nkpan di tii Uwumbɔr aan ni ye kimɔbaan aapiin na le yeh litaajal ngbaan.

Nkahm 33:52

ni pɔɔn nibaa ki jenn nyan binib bimɔk bi kitiŋ ngbaan ni na. Ni bii baah di ŋitakpal ni tikur ŋa baawaa ŋi na, ni ŋiwaa ngbaan aah si nin chee na mɔmɔk.

Lituln 17:29

Taah ye Uwumbɔr aabim na, taa cha ti li dak ke Uwumbɔr aabimbin bi ke ŋiwaa na. Ŋiwaa po ye ŋitakpal le bi kpii ŋi, bee salmaa, bee tikunabr le bi di mɔɔ ŋi.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Ikaal 5:6

‘Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.

Bibɔjirb 18:30

Dann aanibol aanib ngbaan nan di liwaal ngbaan siin ki dooni li, le ki di Gesom aajapɔɔn Jonatann ŋa baatotoor. Jonatann aayaaja le nan ye Moses. U ni uyaabitiib nan ye bitotoorb kina le ki ti saa n‑yoonn mu bi nan di bi buen tinaagbiir ni na.