Liifai Yaab 24:9 - Uwumbɔr aagbaŋ

⁹ Aaronn ni waamaal le yeh boroboro ngbaan, aan bi li ŋmɔ u, chain aapepel ni, ba pu? tijikaar ngbaan ye chain le bi di tii Uwumbɔr; nima kan, bitotoorb mu ga kan ki ji.

Liifai Yaab 24:9 ပူးပေါင်းရင်းမြစ်များ

Nnyam 27:21

Aaronn ni ujapɔtiib le ga di karyaa ngbaan siin Libool li ponn ni m ga li bi na, likekeln li bi Uwumbɔr Aakaal Aadakaa aanimbiin ni na aapuwɔb nima chee. Nnimbiin ni, karyaa ngbaan ga li gaal kijook ki ti saa kichakpiik ni. Israel yaab ni biyaabitiib li joo nkaal ngbaan ki cha n‑yoonn mu kaa kpa aadoon na.

Liifai Yaab 10:12

Moses nan ki bui Aaronn, ni ujapɔtiib Eleasar ni Itamar bi gur na ke, “Ni di njikaabim aatork ti gur ki nyan ni tijikaar aatork ponn ni, aan ni di tii Uwumbɔr na, ki ŋa boroboro u kaa kpa boroboro aanyɔk na, ki ŋmɔ u kitork aabimbiln chee, ba pu? ipiin ngbaan ye i bi chain na la.

Liifai Yaab 10:17

“Ba ŋa naa jin titunwanbir aatork ngbaan aajikaar chain aapepel ni? Kitork ngbaan ye chain aatork la, le Uwumbɔr di tii nimi ke ki nyan Israel yaab mɔmɔk baatunwanbir ni.

Liifai Yaab 21:22

Unii kina aaboln ga ŋmaa ji tijikaar ti bi di tii min ti ye chain, ni chain chain aajikaar aatork na.

Liifai Yaab 24:10

Uja ubaa nan bi Israel yaab ni, le ute nan ye Ijipt aanii, le una ye Israel aapiibo u bi yin u ke Selomif, aan ute nan ye Dibri u nyan ni Dann aanibol ni na. Le u ni Israel aanii ubaa nan jan linampal. Baah bi jaa na le u puun lii Uwumbɔr aayimbil pu, nima pu na, bi nan di u buen Moses chee.

Liifai Yaab 3:17

Israel yaab ubaa taa ji nkpan, bee nsin. Israel yaab mɔmɔk yaa bi nin chee mɔk na kan, bi li joo likoobil ngbaan ki cha n‑yoonn mu kaa kpa ndoon na.

Liifai Yaab 6:11

Le u ga kpeln waawanpeenkaan, ki faa nfatan ngbaan ki di nya lipaal, nin chee bi joo nfatan kpir aan ni ye chain na.

Liifai Yaab 6:16

Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 6:9

ke u di kitork ki bi joo seer mmii ni na aapiin aakaal aabɔr timina tuk Aaronn ni waabijabim. Ni yaa ban ni see kitork mmii ni kan, ni cha ki li paa libimbiln paab aan mmii li gaal kina kitaak ti woln.

Liifai Yaab 8:3

ki yin ni litimbol ngbaan mɔmɔk, bi kuun dan nima chee.”

Liifai Yaab 8:31

Moses nan bui Aaronn ni ujapɔtiib ke, “Yoor tinann ngbaan ki di buen Libool ngbaan aabisamɔb chee, Uwumbɔr aanimbiin ni, ki ŋaan ti nima, ki kpaan ŋmɔ tinann ngbaan ni boroboro u gur kibɔɔkuuk ni na, ke Uwumbɔr aah tuk timi pu na.

Malakai 1:12

Le nima aa nyuŋni mi, ki bui ke maatork aabimbiln aa ye nibaa, le ki joo ni tijikaar ti ni lik seen ti na nan toor kitork li pu.

Matiu 12:4

Le u koo Uwumbɔr Aadichal ni. Le u ni bi ŋman Uwumbɔr aaboroboro. Baah ŋman boroboro ngbaan na, le bi bii Moses aakaal mu len ke Uwumbɔr aatotoorb baanja le ga ŋmɔ boroboro ngbaan na.

Tibɔnyaan ti Mak ŋmee ti na 2:26

Le u koo Uwumbɔr Aadichal ni, buyoonn Abiatar nan ye Uwumbɔr aatotoorninkpel na, le ki di Uwumbɔr aaboroboro ŋman, ki joo ti tii waanib mu, bi ŋman. Baah ŋa kina na, le bi bii Moses aakaal mu len ke Uwumbɔr aatotoorb baanja le ga ŋmɔ boroboro ngbaan na.

Tibɔnyaan ti Luk ŋmee ti na 6:4

Le u koo Uwumbɔr Aadichal ni, ki di Uwumbɔr aaboroboro ŋman, ki joo tii waanib mu, bi ŋman. Baah ŋa kina na, le bi bii Moses aakaal mu len ke Uwumbɔr aatotoorb baanja le ga ŋmɔ boroboro ngbaan na.

1 Samuel 21:6

Kina pu le utotoor ngbaan nan di boroboro ngbaan tii David. Ŋiboroboro kpin ŋi bi nan di tii Uwumbɔr, aan ki nan nyan ŋi bil, ki ki ban ŋibaa teen na le na.