Liifai Yaab 24:8 - Uwumbɔr aagbaŋ

⁸ N‑yoonn mu choo na mɔmɔk, Likpaakool daal mɔmɔk kan, ni ban boroboro kpin pɔɔn ki di paan teebul pu, Uwumbɔr aanimbiin ni. Israel yaab aatuln le na n‑yoonn mɔmɔk.

Liifai Yaab 24:8 ပူးပေါင်းရင်းမြစ်များ

1 Bibɔrb Aabɔr 23:29

ki li yeh boroboro u bi joo tii Uwumbɔr na aatuln, ni n‑yon mu bi joo tii ipiin na, ni maab u bi ken u aan waa kpa boroboro aanyɔk na, ni ipiin i bi ken i na, ni n‑yon mu bi di olif aakpan buun mu na aatuln; ki li ŋaŋni Uwumbɔr Aadichal ni aapiin,

1 Bibɔrb Aabɔr 9:32

Kohaf aataŋaal pu yaab le nan ye bi ŋani Uwumbɔr aaboroboro Likpaakool mɔk daal na.

2 Bibɔrb Aabɔr 13:11

Bi tii Uwumbɔr kichakpiik ni, ni kijook mɔk aatulalee aayon aapiin, ki toor tiwakor ki joo seer mmii ni tii u. Bi tii u boroboro aapiin teebul u paab bi chain u chee na, le kijook mɔmɔk kan, bi seer karyaa tiib bi tɔk salmaa aawan pu na. Ti tun Tidindaan Uwumbɔr aah mɔk pu na la, le nima yii u.

2 Bibɔrb Aabɔr 2:4

M bi maa Uwumbɔr Aadichal ke m nyuŋ Ndindaan Uwumbɔr la. Li ga li ye lidichal li bi chain, aan m ni maanib ga li seer tulalee aayon mu nu mɔ na tii u, ki dooni u na la. Nima chee le ti ga li joo boroboro u ye chain na tii u ipiin n‑yoonn mɔmɔk. Nima chee le ti ga li toor kitork ki joo seer mmii ni, kichakpiik ni, ni kijook mɔmɔk, ki kpee Likpaakool daal, ni Uŋmapɔɔn Aajim Aatork, ni iwinyaan iken na aatork, ki nyuŋni Tidindaan Uwumbɔr. U bui ke Israel yaab li ŋani kina n‑yoonn mɔmɔk.

Nehemia 10:33

Uwumbɔr Aadichal ponn ni aadoon pu, ti ga tii tiwan nimina: boroboro u bi joo tii Uwumbɔr na, ni iwiin mɔmɔk aajikaabim aapiin, ni tiwakor ti bi ga di toor kitork ki see mmii ponn ni na, ni Ŋikpaakoo daal aatork ki bi chain na, ni Uŋmapɔɔn daal aatork aajim, ni njim mu gur na, ni ntoorm mɔmɔk mu gur ki bi chain na, ni kitork ki bi toor Israel yaab aatunwanbir pu na pu, ki kpee tiwan nimɔk bi ban Uwumbɔr Aadichal ponn ni na.

Nnyam 25:30

Ni di teebul ngbaan siin Uwumbɔr Aakaal Aadakaa ngbaan chee, ki li joo boroboro u ni joo tii mi na paani u pu.

Nkahm 4:7

“Bi di likekeln bɔmbɔln kpar biin teebul u bi joo boroboro paani tii Uwumbɔr na pu, aan ki di ŋisambil, ni tulalee aayon aasambil, ni ipiin aasambil, ni ŋisubil aadaan aabobim ŋi bi joo tii Uwumbɔr ipiin na chɔŋ u pu. N‑yoonn mɔmɔk kan, boroboro li paa teebul ngbaan pu.

1 Samuel 21:7

Sɔɔl aanaakpaaninkpel, u bi yin u ke Doeg na, aan u nyan Edom aatiŋ ni na, nan bi nima liyaadaal ngbaan; ba pu? u nan bi nima u toor ubaa nsan mu u dii na pu la.