Liifai Yaab 24:7 - Uwumbɔr aagbaŋ

⁷ Ni di tulalee aayon ŋmeen ki di ŋa ikuul ngbaan mɔk pu, ni li ye tijikaar aapiin i ni di tii Uwumbɔr na aan i sil boroboro aasisii yaan.

Liifai Yaab 24:7 ပူးပေါင်းရင်းမြစ်များ

Mpiin 9:16

M yaa ti kan waapumanja lul kitaapaak ni kan, m ga teer tipuur ti kaa kpa ndoon aan m puu tii dulnyaa aawan nimɔk fu na aabɔr.”

Nnyam 12:14

N‑yoonn mɔmɔk kan, ni pɔɔn nibaa ki li ji njim mue, aan ki li teer min Uwumbɔr aah ŋa pu na pu. Ni li ŋani kina n‑yoonn mu mɔmɔk choo na ni.”

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 17:14

Uwumbɔr nan bui Moses ke, “Ŋmee butɔb ngbaan aabɔr mɔmɔk bil, aan ti li ye nteerm n‑yoonn mɔmɔk. Tuk Josua ke m ga bii Amalek yaab mɔmɔk.”

Nnyam 28:12

Aa di ŋi tam iŋminju ilee na pu, ni mɔk Israel yaab aanibol, inaakɔsamɔi kipiik ni ilee na, aan Aaronn ga li pee baayimbil ngbaan ubɔgbiln pu, nima kan, min Uwumbɔr ga li teer maanib bɔr.

Aisaya 43:23

Naa nan kɔr ipiih ki di see mmii ni tii mi; naa nan joo nimi aatork nyuŋni mi. Maa nan muk nimi ke ni tii mi ipiin aatork kibaa, kaa cha nilaasaab ti nyan nibaa ni tulalee aayon pu.

Liifai Yaab 2:1

N‑yoonn mu unii ubaa yaa ban u tii Uwumbɔr njikaabim aapiin na kan, u pue nan njikaabim ngbaan mu ŋa n‑yon. U ban nkpan ni tulalee aayon paan mu pu.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 2:9

Utotoor ga lee ti ngem ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Jɔnn 6:35

Le u bui bi, “Min le ye limɔfal aajikaar. Unii umɔk dan m chee na kan, nkon aan ki chuu u. Unii umɔk gaa mi ki kii na, nnyunyuu aan ki chuu u.

Jɔnn 6:51

Min le ye tijikaar ti nyan ni paacham ki tii binib limɔfal na. Unii yaa ji tijikaar ngbaan kan, u ga li bi n‑yoonn mu kaa kpa ndoon na. Tijikaar ti m ga tii u na, tima le ye maawon. M ga di maawon tii dulnyaa ni aanib, aan bi kan limɔfal.”

Lituln 10:31

ki bui ke, ‘Konelius, Uwumbɔr ŋun saameel, ki teer saah ter bigiim pu na.

Lituln 10:4

Waah kan Uwumbɔr aatuun ngbaan na, le u san ijawaan, ki baa u, “Maaninkpel, aa ban ba?” Le Uwumbɔr aatuun ngbaan bui u, “Uwumbɔr ŋun saameen, ki nyi saah ter bigiim pu na, ki teer aa bɔr.

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.