Liifai Yaab 24:5 - Uwumbɔr aagbaŋ

⁵ Ni ban n‑yon kuruwaa kipiik ni bilee ki ŋa boroboro kpin kipiik ni ŋilee.

Liifai Yaab 24:5 ပူးပေါင်းရင်းမြစ်များ

1 Bibɔrb 18:31

U nan ban ŋitakpal kipiik ni ŋilee, libaa mɔk si ŋinibol kipiik ni ŋilee ŋi joo Jakob aajapɔtiib aayimbil na. Jakob ngbaan le Uwumbɔr nan yin u ke Israel na.

1 Bibɔrb Aabɔr 23:29

ki li yeh boroboro u bi joo tii Uwumbɔr na aatuln, ni n‑yon mu bi joo tii ipiin na, ni maab u bi ken u aan waa kpa boroboro aanyɔk na, ni ipiin i bi ken i na, ni n‑yon mu bi di olif aakpan buun mu na aatuln; ki li ŋaŋni Uwumbɔr Aadichal ni aapiin,

1 Bibɔrb Aabɔr 9:32

Kohaf aataŋaal pu yaab le nan ye bi ŋani Uwumbɔr aaboroboro Likpaakool mɔk daal na.

2 Bibɔrb Aabɔr 13:11

Bi tii Uwumbɔr kichakpiik ni, ni kijook mɔk aatulalee aayon aapiin, ki toor tiwakor ki joo seer mmii ni tii u. Bi tii u boroboro aapiin teebul u paab bi chain u chee na, le kijook mɔmɔk kan, bi seer karyaa tiib bi tɔk salmaa aawan pu na. Ti tun Tidindaan Uwumbɔr aah mɔk pu na la, le nima yii u.

Nehemia 10:33

Uwumbɔr Aadichal ponn ni aadoon pu, ti ga tii tiwan nimina: boroboro u bi joo tii Uwumbɔr na, ni iwiin mɔmɔk aajikaabim aapiin, ni tiwakor ti bi ga di toor kitork ki see mmii ponn ni na, ni Ŋikpaakoo daal aatork ki bi chain na, ni Uŋmapɔɔn daal aatork aajim, ni njim mu gur na, ni ntoorm mɔmɔk mu gur ki bi chain na, ni kitork ki bi toor Israel yaab aatunwanbir pu na pu, ki kpee tiwan nimɔk bi ban Uwumbɔr Aadichal ponn ni na.

Nehemia 10:34

Ti mɔmɔk, bitotoorb, ni Liifai yaab, ni binib mɔmɔk ga too inaan libiln mɔmɔk ponn ni, ki nyan imaal i ga tii idɔ aan bi li joo seer tiwakor ti bi joo toor tii Tidindaan Uwumbɔr, Nkaal aah mɔk pu na.

Nnyam 25:30

Ni di teebul ngbaan siin Uwumbɔr Aakaal Aadakaa ngbaan chee, ki li joo boroboro u ni joo tii mi na paani u pu.

Nnyam 39:36

ni teebul, ni waawan mɔmɔk, ni boroboro u bi joo tii Uwumbɔr na;

Nnyam 40:23

le ki di boroboro u bi di tii Uwumbɔr na paan u pu, ke Uwumbɔr aah nan bui u pu na.

Nnyam 40:4

Aa di teebul koon ni, ki di waawan chɔŋ u pu; ni ki kpee na, aa di tiwan ni bi joo karyaa tiib tɔŋni ni pu na koon ni, ki di karyaa tiib chɔŋ ni pu.

Nkahm 4:7

“Bi di likekeln bɔmbɔln kpar biin teebul u bi joo boroboro paani tii Uwumbɔr na pu, aan ki di ŋisambil, ni tulalee aayon aasambil, ni ipiin aasambil, ni ŋisubil aadaan aabobim ŋi bi joo tii Uwumbɔr ipiin na chɔŋ u pu. N‑yoonn mɔmɔk kan, boroboro li paa teebul ngbaan pu.

Matiu 12:4

Le u koo Uwumbɔr Aadichal ni. Le u ni bi ŋman Uwumbɔr aaboroboro. Baah ŋman boroboro ngbaan na, le bi bii Moses aakaal mu len ke Uwumbɔr aatotoorb baanja le ga ŋmɔ boroboro ngbaan na.

Lituln 26:7

Timi Juu yaab aanibol kipiik ni ŋilee dooni Uwumbɔr nwiin pu ni kinyeek, ki mu kpa limakl ke bi ga kan tipuur ngbaan. Ubɔr Agripa, m mu kpa limakl ngbaan, nima le cha Juu yaab galn mi.

Hiibru Yaab 9:2

Bi nan ŋa libool lipepel libaa wɔb, ki yin li ke chain aapepel. Karyaa ni teebul ni boroboro u bi di tii Uwumbɔr na, nan bi li ponn ni.

Jemisi 1:1

Min Jems, u ye Uwumbɔr ni Tidindaan Yesu Kristo aatutunn na, m dooni Uwumbɔr aanib bi yaa ki bi itingbaan mɔmɔk ni na.

1 Samuel 21:6

Kina pu le utotoor ngbaan nan di boroboro ngbaan tii David. Ŋiboroboro kpin ŋi bi nan di tii Uwumbɔr, aan ki nan nyan ŋi bil, ki ki ban ŋibaa teen na le na.

1 Samuel 21:7

Sɔɔl aanaakpaaninkpel, u bi yin u ke Doeg na, aan u nyan Edom aatiŋ ni na, nan bi nima liyaadaal ngbaan; ba pu? u nan bi nima u toor ubaa nsan mu u dii na pu la.