Liifai Yaab 24:22 - Uwumbɔr aagbaŋ

²² Ikaal ngbaan joo ni mɔmɔk la. I joo nimi Israel yaab, ni biwɔwɔm bimɔk koo ni chee na la, ba pu? min le ye Nidindaan Uwumbɔr.”

Liifai Yaab 24:22 ပူးပေါင်းရင်းမြစ်များ

Nnyam 12:49

Ni ye kina le ki tii nimi Israel aatimbim, ni biwɔwɔm bi bi ni chee na mu.”

Nkahm 9:14

“Uwɔwɔnja u koo ni chee na mu yaa ban u ji Lakr‑jer aajim ngbaan kan, see u dii mu aakaal aah mɔk pu na mɔmɔk. Utinbo ni uwɔwɔnja mɔmɔk ga dii nkaalbaan la.”

Nkahm 15:29

Unii umɔk kaa nyi ki tun titunwanbir na kan, u ga ŋa kina la. U yaa ye Israel aatimbo, bee uwɔwɔnii kan, bi mɔmɔk ga ŋa kina la.

Liifai Yaab 19:34

Ni li ŋani bi tiŋann ke naah ŋani niŋeen aatɔtiib Israel yaab biken pu na, ki li gee bi ke naah gee nibaa pu na. Ni teer ke ni mu nan ye biwɔwɔm le Ijipt aatiŋ ni. Min le ye Nidindaan Uwumbɔr.

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 24:23

Moses aah len Israel yaab chee tibɔr ngbaan doo na, le bi di uja ngbaan nyan buen lipaal nibaa chee, ki ti mae u ŋitakpal ki ku u. Kina pu na, Israel aanib ngbaan nan ŋa Uwumbɔr aah bui Moses pu na mɔmɔk.

Ikaal 1:16

“N‑yoonn ngbaan m nan tuk bi ke, ‘Kinikpakpak yaa fii binib ngbaan aakaasisik ni kan, ni lik ti ponn ni mbamɔm. Ni li toor kina aabɔr ibamɔn ni; ni li toor nimi aanib, ni biwɔwɔm bi koo ni chee na mɔmɔk aabɔr kina.