Liifai Yaab 23:3 - Uwumbɔr aagbaŋ

³ Ni kpa iwiin iloob, ni di tun nibaa aatuln. Ni teer ke winlole daal ye Likpaakool la, ni kal fuur liyaadaal. Liyaadaal kan, ni taa tun lituln. Ni kuun ni tɔb chee ki nan doon Uwumbɔr. Uma Uwumbɔr le yeh Likpaakool daal, ni yaa bi nin chee na kan, ni li nyi ke nwiin ngbaan ye Uwumbɔr aawiin la.

Liifai Yaab 23:3 ပူးပေါင်းရင်းမြစ်များ

Nnyam 16:23

le u bui bi ke, “Uwumbɔr siin nkaal ke fen fe ye lifuur aawiin la, le ki tii u. Din wee, ni ken naah ban ni ken tijikaar ti na, ki ŋaan naah ban ni ŋaan ti na mu. Ti gur na kan, ni di siin kiir fen.”

Nnyam 16:29

Ni teer ke min Uwumbɔr le tii nimi lifuur aawiin, nima pu le winloob daal kan, m tii nimi tijikaar ti ŋeer iwiin ilee aajim na. Ni mɔmɔk ga li bi nimi aadichal ponn ni, winlole daal, ki taa nya buen nibaa chee.”

Nnyam 16:30

Kina pu na, binib ngbaan aa nan tun lituln winlole daal.

Nnyam 23:12

“Ni li tun lituln iwiin iloob likpaakool ni, ni taa tun lituln libaa winlole daal, nima kan, nimi aanaagbiib, ni biwɔwɔm bi tun tii nimi na, ni nimi aawakor mu ga fuur liyaadaal ngbaan.

Nnyam 34:21

“Ni kpa iwiin iloob le ni di tun nimi aatuln, ni taa tun nibaa winlole daal, ni yaa ye likuul yoonn, bee liwancheel yoonn kan, ni taa tun nibaa liyaadaal ngbaan.

Aisaya 56:2

Binib bimɔk joo maakpaakool daal mbamɔm, kaa bii mu na, m ga ŋa tinyoor ŋa bi pu. M ga ŋa tinyoor ŋa binib bimɔk aa tun titunwanbir na pu.”

Aisaya 56:6

Le Uwumbɔr bui biwɔwɔm bi kpaln waanib, ki gee u ki dii u na, ki joo waakpaakool daal, ki gaa waah puu tipuur ti na ki kii mbamɔm na ke:

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Liifai Yaab 19:3

Ni mɔmɔk li pak nitetiib ni ninatiib, ki li joo Likpaakool daal ke maah siin pu na. Min le ye Nidindaan Uwumbɔr.

Tibɔnyaan ti Luk ŋmee ti na 13:14

Yesu aah cha upii ngbaan pɔɔk likpaakool daal na, nima le cha mmeen aadiik ni aaninkpel gee liŋuul Yesu pu, le ki bui kinipaak ngbaan, “Iwiin iloob le bi likpaakool aakaasisik ni, ti li tun lituln, ki cha likpaakool daal. Nima pu na, ni dan iwiin iloob ngbaan aakaasisik ni aan u cha ni pɔɔk. Ni taa ki dan nan ban laafee likpaakool daal.”

Tibɔnyaan ti Luk ŋmee ti na 23:56

Le bipiib ngbaan gir kun, ki ti ban tulalee ni nkpan mu nun mɔ na. Juu yaab aakpaakool daal, le bi fuur, baakaal aah len pu na.

Lituln 15:21

Tiyaajatiib yoonn ki di nan saa din, bi tuk binib Moses aakaal ntim mɔmɔk ponn ni. Likpaakool daal mɔmɔk bi po karni Moses aakaal mmeen aadir ni.”

Tibɔkpiirkaan 1:10

Tidindaan aakpaakool daal le Uwumbɔr Aafuur Nyaan nan fir m pu. Le m ŋun nneel sakpiin len mpuwɔb ke kakaan na,