Liifai Yaab 22:8 - Uwumbɔr aagbaŋ

⁸ U taa ji kiwakork ki kpo kibaa pu, ni upeel aah chuu kiwakork ki ki ŋman gur kaanann na; ni ga cha waan ki li bi chain. Min le ye Uwumbɔr.

Liifai Yaab 22:8 ပူးပေါင်းရင်းမြစ်များ

Nnyam 22:30

Ni di nimi aawakor aajan aabim mu tii mi. Ni cha i li bi inatiib chee ki ti saa iwiin ilole, le winiin daal kan, ni di i nan tii mi.

Nnyam 22:31

“Naah ye maanib pu na, ni taa ji kiwakork ki aanann upeel chuu ki ŋman gur na; ni di tinann ngbaan aaboln tii ibɔ.

Esekiel 4:14

Le m nan gar ke, “Ndindaan Uwumbɔr, maa kii, maa kee bii mbaa daalbaadaal. Maah fii ubo na, maa kee ŋman kiwakork ki kpo na, bee upeel aah chuu ki na. Maa kee jin tijikaar ti kɔ na.”

Esekiel 44:31

Bitotoorb taa ji unyoon, bee kiwakork ni kpo kibaa pu na, bee kiwakork kiken aah ku ni na.”

Liifai Yaab 17:15

Israel aanii, bee uwɔwɔnja umɔk jin kiwakork ki kpo kibaa pu, bee upeel yaa chuu kiwakork ki ki ŋman gur na kan, udaan finn waawanpeenkaan ki fu nnyun, ki li kii kijook wɔb aan ki nin ŋa chain.

Liifai Yaab 7:24

Kiwakork yaa kpo kibaa pu, bee timoor ni aapeel le yaa chuu ki kan, ni taa ŋmɔ kaakpan. Tɔ, ni yaa ban kan, ni ga ŋmaa di mu ŋa tiwan nibaa.

Ikaal 14:21

“Ni taa ji kiwakork ki kpo kibaa pu na. Ni ga ŋmaa di ki tii biwɔwɔm bi koo ni chee na, bee ni ga ŋmaa di kooh tii biwɔwɔm biken. Nimi ma kan, Nidindaan Uwumbɔr le yeh nimi; ni ye waanib la. “Ni taa di upiih, bee uŋoob aabiin ŋaa waabo.