Le naawankpol yaa lir tiwan nimɔk pu na kan, naa ki bi chain. Tiwan ngbaan yaa ye idɔ, bee tiwanpeenkaan, bee igban, bee bɔtɔ, bee bi yaa joo tiwan nimina ŋani lituln li na kan, naa ki bi chain, bi di nnyun mu bi chain na ki finn ni, le naan li bi chain ki ti saa kijook wɔb.
Unii umɔk ŋman tinann ngbaan na, see u finn waawanpeenkaan, kaan li bi chain ki ti saa kijook wɔb. Unii umɔk tun tinann ngbaan na mu finn waawanpeenkaan, kaan li bi chain ki ti saa kijook wɔb.
Le Hagai ki baa bi ke, “Unii yaa meeh linikpol aan ki kpaln tijɔŋ aanii, ki yaa nan ki meeh tijikaar ngbaan kan, kina ngbaan ga ŋmaa cha kina aajikaar kpaln tijɔŋ aajikaar aa?” Le bitotoorb ngbaan kii ke, “Een.”
Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.
Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.