Liifai Yaab 22:18 - Uwumbɔr aagbaŋ

¹⁸ ke u tuk Aaronn ni ujapɔtiib, ni Israel yaab mɔmɔk ikaal imina aabɔr: N‑yoonn mu Israel aanii, bee biwɔwɔm bi koo ni chee na, yaa ti ban u toor kitork ki bi joo seer mmii ni, ki pa lipɔln, bee u ban u tii ngeehn aapiin kan, u cha kiwakork ngbaan li ŋan ki taa li kpa iween.

Liifai Yaab 22:18 ပူးပေါင်းရင်းမြစ်များ

2 Bibɔrb Aabɔr 31:14

Imna aajapɔɔn Kore, u nan ye Liifai aanii ki ye Uwumbɔr Aadichal aabisamɔb mu bi yin mu ke Liwipuul Aabisamɔb na aaninkpel na le nan ye u gaal ipiin i bi joo nan tii Uwumbɔr na, le ki yakr i tii.

Ilahn 116:14

Waanib mɔmɔk aanimbil ni le m ga tii u maah puu ke m ga tii u ni na.

Ilahn 116:18

Saadichal li bi Jerusalem ponn ni na, saanib mɔmɔk aanimbil ni le m ga tii si maah puu ke m ga tii si tiwan ni na. Pak Uwumbɔr man.

Ilahn 22:25

Kinipaak aah kuun nin chee na, le m ga pak si saah tun pu na pu. Binib bi dooni si na aanimbiin ni, le m ga toor kitork ki m nan puu na.

Ilahn 56:12

Uwumbɔr, maah puu ke m ga tii si pu na, m ga ŋa kina; m ga tii si maadoon aapiin;

Ilahn 61:5

Uwumbɔr, aa ŋun maah puu tipuur ti na, le ki tii mi binib bi nyuŋni si na aawan.

Ilahn 61:8

Le m ga li gaa ilahn ki pak si n‑yoonn mumɔk m tii si maah puu pu iwiin mɔmɔk aatork ni na.

Ilahn 65:1

Uwumbɔr, ni ŋan ke ti pak si Sionn aatiŋ ni, ki li joo taah puu tipuur ti tii si na,

Ilahn 66:13

M ga joo ni kitork ki bi ga di see mmii ni na saadichal ni, m ga tii si maah puu pu na.

Nnyam 12:5

Ni ga ŋmaa nyan upihjabo, bee uŋojabo; kiwakork ngbaan mu li ye libiln libaa aawakork, ki taa li kpa iween ibaa.

Ulandaan 5:4

Kina pu na, aa yaa puu tipuur tii Uwumbɔr kan, li joo ti gbin gbin. Waa kpa ujɔr aayoonn. Ŋa saah puu ke aa ga ŋa pu na.

Liifai Yaab 1:10

Ni yaa ye waapiih, bee waaŋoob ponn ni le u ban u di ubaa toor kan, u nyan kijak ki li ŋan.

Liifai Yaab 1:2

Israel yaab yaa ban bi toor kitork kan, baah ga ŋa pu na sɔ: N‑yoonn mu unii ubaa yaa ti ban u di kiwakork toor kitork na kan, u cha ni li ye waanaa, bee waapiih, bee waaŋoob ponn ni nibaa.

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 17:13

Israel aanii ubaa, bee biwɔwɔm bi koo ni chee na ubaa yaa buen kikpaŋ ki ku upeel, bee unyoon u ni ga ji u na kan, u kɔr u ki nyan nsin lii kitiŋ, ki di titan biin mu pu.

Liifai Yaab 22:17

Uwumbɔr nan ki bui Moses

Liifai Yaab 23:38

Ni ga ŋa njim ngbaan ki kpee Likpaakool daal mɔmɔk aatork pu, ni naah tii ipiin pu na, ni naah pa tipuur aapiin pu na, ni nimi aageehn aapiin i ni joo tii Uwumbɔr na.

Liifai Yaab 7:16

Unii yaa nan puu tipuur le ki giin ti, bee u yaa tii ipiin ubaa aageehn pu, le tinann yaa gur ki woln kitaak kan, ni li ŋmɔ man.

Amos 4:5

Di nimi aaboroboro tii Uwumbɔr ki doon u waah ter nimi pu na, ki li kpa kipupuk naah ki tii ipiin i kpee na pu. Naah gee ke ni li ŋani tiwan ni na le na.

Jona 1:16

Nima le nan cha biŋɔŋaab ngbaan san Uwumbɔr ijawaan ki toor kitork tii u, ki puu tipuur tii u.

Jona 2:9

Le mma ga gaa ilahn pak si, m ga toor kitork tii si, ki ŋa maah puu ke m ga ŋa pu na. Limɔfal nyan ni Uwumbɔr chee la.”

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Nkahm 15:3

Ni yaa ban ni toor kitork ki bi joo seer mmii ni na kan, ni ga ŋmaa di unaaja, bee upihja, bee upihsal, bee uŋoob ŋa kina tii mi. Ni yaa ban ni ŋa naah puu pu na, bee ni yaa ban ni tii mi nibaa aageehn aapiin buyoonn ni ban ni ji njim mu na kan, ni ŋa kina; tijikaar aatork ngbaan nu mɔ, min Uwumbɔr chee.

Lituln 18:18

Pɔɔl nan bi Korint aatiŋ ni ki yunn. Waah bi nima ki yunn na, le u chɔi Yesu aanib. Le u ni Prisila ni Akuila buen Senkrea aatiŋ ni. Pɔɔl aah ti bi nima na, le u kuu uyikpir lii. Ni mɔk ke waah nan puu tipuur ti tii Uwumbɔr na le na. Le bi nan ti koo buŋɔb ni, ke bi puur nnyusakpem na ki buen Siria aatim ponn ni.

Ikaal 12:17

Tiwan nimɔk ni di toor kitork tii Uwumbɔr na kan, ni taa ji tiwan ngbaan linampal: naah ga nyan nimi aajikaabim, ni ŋisubil aadaan, ni olif aakpan kipiik ponn ni nibaa ni tii Uwumbɔr na, ni nimi aawakor aajan aabim, ni naah puu tipuur ke ni ga tii Uwumbɔr ipiin i na, ni nimi aageehn aapiin, ni ipiin iken na aapar, ni taa ji ni linampal.

Ikaal 12:6

Nima chee le ni ga toor nimi aatoor ti ni ga li joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni nimi aapiin, ni ni yaa puu Uwumbɔr tipuur kan, naah ga pa pu na, ni nibaa aageehn aapiin, ni nimi aawakor aajan aabim aapar.

Ikaal 16:10

Ni ŋa kina ki nyuŋ Nidindaan Uwumbɔr, ni li joo ni nimi aageehn aapiin, ni ŋeer waah ŋa tinyoor ki tii nimi pu na aapiin.