Liifai Yaab 21:8 - Uwumbɔr aagbaŋ

⁸ Binib mɔmɔk li nyi ke utotoor ye chain aanii la, ba pu? uma le joo tijikaar aatork tii mi. Min le ye Uwumbɔr, m bi chain la, le ki ŋa maanib chain.

Liifai Yaab 21:8 ပူးပေါင်းရင်းမြစ်များ

Nehemia 13:29

Uwumbɔr, teer binib ngbaan aah nan bii bitotoorb aatuln, ni tipuur ti aa nan puu ki tii bitotoorb ni Liifai yaab na.

Nnyam 19:10

le Uwumbɔr bui u ke, “Li cha binib ngbaan chee, ki ti tuk bi ke bi di din ni fen, aan ki toor ki ŋaŋ bibaa ki nan doon mi. Bi finn baakeken,

Nnyam 19:14

Moses nan sunn ni lijool ngbaan taab, ki dan binib ngbaan chee, ki tuk bi ke bi gor bibaa ki doon Uwumbɔr. Nima pu na, bi nan finn baakeken,

Nnyam 28:41

Aa di tiwanpeenkaan ngbaan ki di peen aakpel Aaronn ni waabijabim, ki nyan bi siin ki di olif aakpan kpir bi pu, aan bi li ye bitotoorb.

Nnyam 29:1

“Saah ga ŋa pu ki di kitork aatuln tii Aaronn ni ujapɔtiib aan bi li tun maatuln pu na sɔ. Aa ban unaaja ni ipihja ilee, i taa li kpa iween ibaa.

Liifai Yaab 19:2

ke u tuk Israel yaab ke, “Ni li bi chain, ba pu? min Nidindaan Uwumbɔr bi chain la.

Liifai Yaab 21:6

U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Liifai Yaab 22:16

ki cha unii u kaa ŋeer ke u ji ti na ji ti, kina aabimbin ga bii waabɔr, le udaan ngbaan ga kan ntafadaan. Min le ye Uwumbɔr le ki ŋa ipiin aatork aajikaar ngbaan chain.”

Liifai Yaab 3:11

Le utotoor u ŋa kitork ngbaan na di ni mɔmɔk see mmii ni, libimbiln paab, ni li ye tijikaar aapiin ki tii Uwumbɔr.

Malakai 1:7

Naah lik mi fam pu na sɔ, ni joo tijikaar ti kaa ŋan na le toor kitork maatork aabimbiln pu. Le ni baa ke, ‘Kinye aan ti yii kaa pak si?’ M ga bui nimi ke naa lik faar maatork aabimbiln.

Nkahm 28:2

ke u mɔk Israel yaab ke ipiin aatiin aayoonn yaa fuu kan, bi tii Uwumbɔr tijikaar aapiin, waah ban pu na. Kina aapiin nu mɔ u chee.

Jɔnn 10:36

M ma kan, Uwumbɔr nyan mi ki tun ni mi dulnyaa wee ni, le maah len ke m ye Ujapɔɔn na, ni bui ke m sii u uu?

Jɔnn 17:19

Bi pu le m di mbaa tii si ke bi mu li ye saanib bi bi chain mbamɔm na.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.