Liifai Yaab 21:6 - Uwumbɔr aagbaŋ

⁶ U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Liifai Yaab 21:6 ပူးပေါင်းရင်းမြစ်များ

Esra 8:28

M nan bui bi ke, “Uwumbɔr u ye niyaajatiib Aawumbɔr na le nyan nimi, kina le ye tikunabr ni salmaa aasambil ŋi bi joo tii u ipiin na mu.

Nnyam 19:22

Hali, utotoor u ga dan m chee na yaa kaa toor ki ŋaŋ ubaa kan, m ga daa utafal.”

Nnyam 28:36

“Aa di salmaa ŋmeen ki ŋa tiwanyaan, ki ŋmee ni pu ke ‘Uwumbɔr yoo’,

Nnyam 29:44

M ga ŋa Libool, ni kitork aabimbiln ngbaan chain. M ga nyan Aaronn ni waabijabim le bi li ye maatotoorb.

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Liifai Yaab 18:21

Taa di nimi aabim tii ke bi di toor kitork tii liwaal Molek, ba pu? ni ga joo ni inimɔɔn Nidindaan Uwumbɔr aayimbil pu.

Liifai Yaab 19:12

Ni yaa kaan ŋmaa giin tipuur kan, ni taa puu ti maayimbil pu. Mbimbin kina joo ni inimɔɔn le maayimbil pu. Min le ye Nidindaan Uwumbɔr.

Liifai Yaab 20:3

Ubaa yaa di waabo toor kitork tii Liwaal Molek ki bii Maabool, aan laa ki bi chain, ki jinn maayimbil li bi chain na inimɔɔn kan, m ga daa utafal; waan ki li ye maanib ponn ni ubaa.

Liifai Yaab 21:17

ke u tuk Aaronn ke, “Aayaabitiib ponn ni aanii ubaa aawon yaa kaa ŋan ki kpa iween kan, u taa di tijikaar aatork tii mi. Nkaal ngbaan ga li bi kina le ki cha n‑yoonn mɔmɔk.

Liifai Yaab 21:21

Aaronn u ye utotoor na aayaabitiib ponn ni ubaa yaa kpa tiwon aaween kina aaboln kan, u taa di tijikaar aapiin aatork tii min.

Liifai Yaab 21:23

U mu aah kpa tiwon aaween na, u taa duun ni chain aakekeln li bi di gii Libool ni na, ki taa duun ni kitork aabimbiln mu chee. U taa bii chain aawan nee mɔmɔk, ba pu? Min le ye Uwumbɔr le ki ŋa tiwan ngbaan chain.”

Liifai Yaab 21:8

Binib mɔmɔk li nyi ke utotoor ye chain aanii la, ba pu? uma le joo tijikaar aatork tii mi. Min le ye Uwumbɔr, m bi chain la, le ki ŋa maanib chain.

Liifai Yaab 3:11

Le utotoor u ŋa kitork ngbaan na di ni mɔmɔk see mmii ni, libimbiln paab, ni li ye tijikaar aapiin ki tii Uwumbɔr.

Nkahm 16:5

le ki bui Kora, ni binib bi kpee u pu na ke, “Fen aachakpiik ni kan, Uwumbɔr ga fe mɔk ti mɔmɔk unii u ye waanii na; u ga fe cha waah nyan unii u na dan u chee, waatork aabimbiln chee.

Nkahm 28:2

ke u mɔk Israel yaab ke ipiin aatiin aayoonn yaa fuu kan, bi tii Uwumbɔr tijikaar aapiin, waah ban pu na. Kina aapiin nu mɔ u chee.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.