Liifai Yaab 20:6 - Uwumbɔr aagbaŋ

⁶ “Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Liifai Yaab 20:6 ပူးပေါင်းရင်းမြစ်များ

Ilahn 73:27

Binib bi yii si na ga sil kuln; aa ga doo binib bi nyan aapuwɔb na.

Nnyam 22:17

Tɔ, ni yaa ye ke upiibo ngbaan aate aa kii ke uja ngbaan yoor ubisal kan, see u pan upiibo ngbaan aate tichoowan ti ŋeer usapɔɔn u kaa nyi uja na aapal.

Nnyam 22:18

“Ni ku upii u jin nnyɔk ki joo ŋani iwaan aawan na.

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Jeremia 44:11

“Kina pu na, min Uwumbɔr Mpɔɔnsakpiindaan, u ye Israel yaab Aawumbɔr na, ga fenn lir ni pu ki kuln Juda aatiŋ mɔmɔk.

Esekiel 6:9

nin chee bi ga li bi tinaagbiir ni na. Nima le bi ga ti teer mbɔr ki bee ke min le daa bitafal ki jinn bi inimɔɔn, bisui i kaa ŋani maah len pu na, ki yii mi ki labr dii ŋiwaa na pu. Baah tun titunwanbir ki ŋani tiwan ni bii binib aayimbil na pu, le biponn ni ga li sukr bibaa pu.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 19:26

“Ni taa ŋmɔ tinann ti nsin beenin bi ti ni na. Ni taa li ŋani bibɔɔb aatuln ki ji inyɔk.

Liifai Yaab 19:31

“Ni taa ban binib bi baa bitekpiib chee tibɔr na aasurm. Ni yaa ŋa kina kan, ni ga bii nibaa, kaan ki li bi chain. Min le ye Nidindaan Uwumbɔr.

Liifai Yaab 20:27

“Uja, bee upii umɔk ye ubɔɔ na kan, ni mae ŋitakpal ki ku udaan ngbaan, unii umɔk ŋa kina na le ku ubaa.”

Liifai Yaab 20:5

min mbaa le ga daa uja ngbaan, ni waamaal, ni bimɔk kpee u pu ki doon liwaal Molek na aatafal. Baan ki li ye maanib ponn ni bibaa.

Nkahm 15:39

Le ni yaa lik ngbeen ngbaan kan, ni ga teer nimi maakaal mɔmɔk aabɔr, le ni kii tii mi. Nima kan, naan fenn nipuwɔb ki tun nibaa aasui aageehn.

Lituln 16:16

Ti nan ki buen baah mee Uwumbɔr nin chee na. Taah cha na, le usapɔɔn ubaa ton timi nsan ni. U nan ye unaagbiibo la. Bininkpiib nan dii u, ki cha u tuk binib tiwan ni choo ki ga nan ŋa na aabɔr. Waah ŋani kina na, le u kan ŋimombil pam ki tii udindatiib.