Liifai Yaab 20:3 - Uwumbɔr aagbaŋ

³ Ubaa yaa di waabo toor kitork tii Liwaal Molek ki bii Maabool, aan laa ki bi chain, ki jinn maayimbil li bi chain na inimɔɔn kan, m ga daa utafal; waan ki li ye maanib ponn ni ubaa.

Liifai Yaab 20:3 ပူးပေါင်းရင်းမြစ်များ

Nnyam 30:33

Unii ubaa yaa ŋa nkpan ngbaan aaboln, bee u yaa di mu ki di meen unii u kaa ye utotoor na kan, waan ki li ye maanii.’”

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Esekiel 5:11

“Kina pu na, maah ye Uwumbɔr u bi n‑yoonn mɔmɔk na, ki ye Aadindaan Uwumbɔr, maamɔboln sɔ: naah di titunwanbir, ni tiwan ni sukr ponn ni na bii Maameen Aadichal na, m ga kuln nimi kaan san nimi kinimbaak.

Liifai Yaab 15:31

Uwumbɔr nan bui Moses ke u sur Israel yaab baah kaa bi chain pu na, nima kan, bi li nyi ki taa bii Waabool li u bi li ponn ni, ki si bikaasisik ni na, ke bi yaa bii li kan, u ga ku bi.

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 18:21

Taa di nimi aabim tii ke bi di toor kitork tii liwaal Molek, ba pu? ni ga joo ni inimɔɔn Nidindaan Uwumbɔr aayimbil pu.

Liifai Yaab 19:12

Ni yaa kaan ŋmaa giin tipuur kan, ni taa puu ti maayimbil pu. Mbimbin kina joo ni inimɔɔn le maayimbil pu. Min le ye Nidindaan Uwumbɔr.

Liifai Yaab 20:4

Nimi maanib bi gur na yaa kaa gar u waah ŋa pu na, kaa ku u kan,

Liifai Yaab 21:6

U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Liifai Yaab 7:20

Tɔ, unii u kaa bi chain na yaa ŋman tinann ngbaan kan, waan ki li ye Uwumbɔr aanib ponn ni ubaa.

Liifai Yaab 7:21

Ni ki kpee na, unii umɔk meeh unibɔn aajɔŋ, bee kiwakork ki kaa bi chain na, nee aapuwɔb u yaa ŋman kitork ngbaan aanann kan, waan ki li ye Uwumbɔr aanib ponn ni ubaa.

Nkahm 19:13

Unii umɔk meeh linikpol, kaa fu kina aanyun ki ŋa ubaa chain na kan, u gaar tijɔŋ ngbaan ni la, ba pu? waa fu kina aanyun. U bii Uwumbɔr Aabool le na, le waa ki waan ki li ye Uwumbɔr aanib ponn ni ubaa.

Nkahm 19:20

Unii umɔk kaa bi chain ki mu yii kaa toor ubaa na kan, u gur ye ujɔŋdaan la, ba pu? waa fu nnyun mu ŋani binib chain na. U bii Uwumbɔr Aabool le na, le waan ki li ye Uwumbɔr aanib ponn ni ubaa.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

1 Piita 3:12

ba pu? Tidindaan Uwumbɔr aatafal bi bininyaam ni, ki ŋun baameel n‑yoonn mɔmɔk, le ki yiil binib bi tun titunwanbir na.”