Liifai Yaab 20:2 - Uwumbɔr aagbaŋ

² “Nimi Israel yaab, bee biwɔwɔm bi koo gbɔk nimi na ubaa yaa di nimi aabo ubaa toor kitork tii Liwaal Molek kan, ni mɔmɔk mee ŋitakpal ki ku u.

Liifai Yaab 20:2 ပူးပေါင်းရင်းမြစ်များ

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

2 Bibɔrb 23:10

Ubɔr Josia nan ki bii kiwaachuk ki bi Hinom Aafataŋ ni, aan bi yin ki ke Tofef na, aan ubaa taa ki ŋmaa di ujapɔɔn bee ubisal kɔr toor kitork ki bi joo seer mmii ni na tii liwaal Molek.

2 Bibɔrb Aabɔr 28:3

le ki seer nnyɔknii Hinom Aafataŋ ni. U nan kpaan di ujapɔtiib kɔr ki see mmii ni tii ŋiwaa, le ki tun titunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na aatun.

2 Bibɔrb Aabɔr 33:6

U nan di ujapɔtiib toor kitork ki di see mmii ni, Hinom Aafataŋ ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na, ni binib bi len bitekpiib chee tibɔr na chee. U nan tun Uwumbɔr titunwanbir sakpen le ki fiin waaŋuul.

Ilahn 106:38

Binikurb ngbaan aah nan ku mbim mu kaa tun taani ubaa na, le ni bii kitiŋ ngbaan.

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Jeremia 7:31

Bi maa kitork aabimbiln li bi yin li ke Tofef na, Hinom aafataŋ ni, ke bi li joo bijapɔtiib ni bibisatiib toor kitork mmii ni. Maa nan bui bi ke bi ŋa kina, kina aalandak aa nan kpaan koo ni nsui ni.

Esekiel 20:26

M nan cha bi di bibaa aatork le bii bibaa, le ki cha bi di baajan aabijabim toor kitork tii ŋiwaa. Nimina le ga nan daa bitafal ki cha bi bee ke min le ye Uwumbɔr.

Esekiel 20:31

Hali din wee ni beenin tii ipiinbaan la, le ki joo nimi aabim toor kitork ki seer mmii ni tii ŋiwaabaan ŋi bi nan dii na, ki bii nibaa. Le nimi Israel yaab beenin choo ke ni nan baa ki bee maageehn aah ye pu na. Maah ye Nidindaan Uwumbɔr ki bi n‑yoonn mɔmɔk na pu, maan cha ni baa mi tibaa.

Esekiel 23:37

Bi goor kidagook ki ku binib, bi gɔr ŋiwaa chee kidagook, ki ku bijapɔtiib bi m ni bima ma na. Bi joo bijapɔtiib toor kitork tii ŋiwaa.

Esekiel 23:39

Nwiin mundaal chob chob bi di maabim kɔr toor ŋiwaa na, le bi dan Maadichal ni ki nan bii li.

Liifai Yaab 17:13

Israel aanii ubaa, bee biwɔwɔm bi koo ni chee na ubaa yaa buen kikpaŋ ki ku upeel, bee unyoon u ni ga ji u na kan, u kɔr u ki nyan nsin lii kitiŋ, ki di titan biin mu pu.

Liifai Yaab 17:15

Israel aanii, bee uwɔwɔnja umɔk jin kiwakork ki kpo kibaa pu, bee upeel yaa chuu kiwakork ki ki ŋman gur na kan, udaan finn waawanpeenkaan ki fu nnyun, ki li kii kijook wɔb aan ki nin ŋa chain.

Liifai Yaab 17:8

Israel aanii ubaa, bee biwɔwɔm bi koo ni chee na ubaa yaa toor kitork ki bi joo seer mmii ni na, bee u yaa toor kitork kibaa aaboln nibaa chee

Liifai Yaab 18:21

Taa di nimi aabim tii ke bi di toor kitork tii liwaal Molek, ba pu? ni ga joo ni inimɔɔn Nidindaan Uwumbɔr aayimbil pu.

Liifai Yaab 20:1

Uwumbɔr nan bui Moses ke u tuk Israel yaab ke,

Liifai Yaab 20:27

“Uja, bee upii umɔk ye ubɔɔ na kan, ni mae ŋitakpal ki ku udaan ngbaan, unii umɔk ŋa kina na le ku ubaa.”

Liifai Yaab 24:14

“Cha bi nyan uja ngbaan linampal ki di u buen nibaa chee, ki cha unii umɔk ŋun ke uja ngbaan puun lii Uwumbɔr aayimbil pu na di uŋaal paan uyil paab ki bui ke waabɔr bii, nee aapuwɔb, Israel aanib ngbaan mɔmɔk mae u ŋitakpal ki ku u,

Liifai Yaab 24:16

Israel aanii, bee uwɔwɔnja u koo bi chee na yaa puun lii Uwumbɔr aayimbil pu kan, binib ngbaan mɔmɔk mae u ŋitakpal ki ku u.

Liifai Yaab 24:23

Moses aah len Israel yaab chee tibɔr ngbaan doo na, le bi di uja ngbaan nyan buen lipaal nibaa chee, ki ti mae u ŋitakpal ki ku u. Kina pu na, Israel aanib ngbaan nan ŋa Uwumbɔr aah bui Moses pu na mɔmɔk.

Lituln 7:43

Ni nan yoor liwaal li bi yin li ke Molek na aabool, ni liwaal Refann li ye liŋmabil aanaŋ na. Ni nan mɔɔ ŋiwaa ŋimina, ke ni li dooni ŋi. Nima pu na, m ga di nimi buen tinaagbiir ni, kitiŋ ki bi Babiloŋ aatiŋ aapuwɔb na ni.’

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

Ikaal 17:2

“Nibaakan, ni ga ŋun ke nimi aatiŋ kibaa ponn ni uja, bee upii tun Uwumbɔr titunwanbir ki bii waakaal,

Ikaal 18:10

Ni taa di nimi aabim see mmii ni, nimi aatork aabimbiln pu. Ni taa cha ubaa le ye ubɔɔ, ubaa mu taa ji nnyɔk. Ubaa taa ban ke u bee tiwan ni ga fe ŋa fen na.

Ikaal 21:21

Bi cha kitiŋ ngbaan ni aajab mɔmɔk mae ŋitakpal ki ku u, nima kan, ni ga nyan titunwanbir kina aaboln nibaa chee. Binib bimɔk bi Israel aatiŋ kee ni na yaa ŋun naah ŋa pu na kan, bi ga san ijawaan.

Ikaal 22:21

bi di u buen ute aadichal aanampal, aan kitiŋ ngbaan ni aajab mae ŋitakpal ku u. Upii ngbaan aah nan laa bi ute do ki bee uja aan ki nin kun tichar pu na, u jinn waanib Israel yaab inimɔɔn. Ni yaa ku u kan, ni ga nyan kina aatunwanbir aaboln nibaa chee.