Liifai Yaab 20:16 - Uwumbɔr aagbaŋ

¹⁶ Upii yaa ban ke kiwakork doon u chee kan, ni kpaan ki ku upii ni kiwakork ngbaan. Bima le ku bibaa.

Liifai Yaab 20:16 ပူးပေါင်းရင်းမြစ်များ

Nnyam 19:13

ni mae u ŋitakpal, bee ni too ipiin yur u ki ku u, ubaa mu taa meeh u. Ni yaa ye unii, bee kiwakork kan, ni ku u. Tɔ, n‑yoonn mu bi pii kakaan na kan, binib ngbaan foor duun lijool ngbaan.”

Nnyam 21:28

“Unii ubaa aanaaja yaa saa ku unii kan, bi mae ŋitakpal ki ku unaaja ngbaan; ni taa ŋmɔ waanann; unaadaan mu taa li kpa ntafadaan.

Nnyam 21:32

Unaaja ngbaan yaa saa ku unaagbiinii kan, ni ye unaadaan aatuln le ke u pa unii u yeh unaagbiinii ngbaan na tikunabr aamombil piitaa, le ni yur ŋitakpal ki ku unaaja ngbaan.

Nnyam 22:19

“Ni ku uja u doon kiwakork chee na.

Liifai Yaab 18:23

Uja taa doon kiwakork chee, upii mu taa cha kiwakork doon u chee; kininsuŋ ngbaan le ga ŋa nimi tijɔŋ.

Liifai Yaab 20:15

Uja yaa doon kiwakork chee kan, ni kpaan ki ku uja ni kiwakork ngbaan.

Liifai Yaab 20:17

Uja yaa yoor ute aabisal, bee una aabisal, ki di ŋa upuu kan, ni nyan bi mpaan pu ki jinn bi inimɔɔn, aan ki nyan bi nibaa chee. U doon uninkpan chee la, ni cha u ji kina aafalaa.

Hiibru Yaab 12:20

U nan bui bi ke kiwakork kibaa yaa po meeh lijool ngbaan kan, bi mae ki ŋitakpal ki ti kpo. Nima le ijawaan nan joo bi sakpen.