Liifai Yaab 2:9 - Uwumbɔr aagbaŋ

⁹ Utotoor ga lee ti ngem ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 2:9 ပူးပေါင်းရင်းမြစ်များ

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 2:16

Le utotoor ga lee n‑yon, ni nkpan, ki kpee tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 2:8

Bi li joo ni ipiin ngbaan ki nan di tii Uwumbɔr, aan utotoor gaa ti ki di buen kitork aabimbiln chee.

Liifai Yaab 24:7

Ni di tulalee aayon ŋmeen ki di ŋa ikuul ngbaan mɔk pu, ni li ye tijikaar aapiin i ni di tii Uwumbɔr na aan i sil boroboro aasisii yaan.

Liifai Yaab 4:31

U chuu nyan waakpan mɔmɔk, ke waah nyan kimɔbaan aatork aawakor aakpan pu na, ki di mu see mmii ni, libimbiln paab, aan ni li nu mɔ Uwumbɔr chee. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 5:12

U li joo ni n‑yon ngbaan nan tii utotoor, aan u di uŋaal lee mu gbiin uŋaal, ni li ye limɔkl ke ni mɔmɔk ye Uwumbɔr aapiin la, aan ki di see mmii ni, libimbiln paab, tii Uwumbɔr. Ni ye kitork ki ga nyan titunwanbir na la.

Liifai Yaab 6:15

U di uŋaal lee n‑yon, ni nkpan, ni tulalee aayon mu paa mu pu na, ki di see libimbiln paab, mmii ni, ni li ye limɔkl ke u see n‑yon ngbaan mɔmɔk le mmii ni ki tii Uwumbɔr. Ipiin kina aaboln nu mɔ uma Uwumbɔr chee.

Sekaria 13:7

Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Nkahm 5:26

U di uŋaal lee mu ngem ki see mu mmii ni, kitork aabimbiln paab, ki mɔk ke mu mɔmɔk ye min Uwumbɔr yaan la. U yaa doo kan, u cha upii ngbaan nyu nnyun ngbaan.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 15:16

ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.

Filipi 2:17

Ni yaa gaa Yesu ki kii ki tun waatuln mbamɔm kan, m kpa mpopiin ni pu. Bi yaa po ku mi kan, m kpa mpopiin.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.