Liifai Yaab 2:4 - Uwumbɔr aagbaŋ

⁴ Ipiin ngbaan yaa ye boroboro le bi di pun boroboro aadiik ni kan, bi ŋa u ki taa di boroboro aanyɔk ŋmal u ni; bi di olif aakpan ŋmal n‑yon ni, ki ŋa boroboro u filk na, bee bi ŋa u ke maab na, ki di nkpan gbaa u.

Liifai Yaab 2:4 ပူးပေါင်းရင်းမြစ်များ

Ilahn 22:14

Maapɔɔn mɔmɔk doo ke nnyun mu kpir kitiŋ na aah foor pu na. Bi tukl maakpab mɔmɔk; le mpobil donn ke tisikakpiin na.

Nnyam 12:8

Kinyeek ngbaan le bi ga pu tinann ngbaan mɔmɔk, ki kpaan di ti ni tifar ti cho na, ni boroboro u kaa kpa boroboro aanyɔk na, ki ŋmɔ ni mɔmɔk ŋmal tɔb ni.

Nnyam 16:31

Israel yaab ngbaan nan yin tijikaar ngbaan ke mana. Ti nan bi ke njikaabim waatiir na, le ki piin, ki mɔ ke maab u bi di tisiir ŋa u na.

Nnyam 29:2

Aa di boroboro aayon mu ŋan chain kaa kpa nnyɔk na ŋa boroboro, ki di olif aakpan mu ŋa boroboro ngem, u li bi ke maab na, ki di nkpan gbaa bi.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Esekiel 46:20

le ki bui ke, “Do chee na le bitotoorb ga ŋaa titunwanbir aatork, ni lipɔln aateem aatork aanann, ki ken n‑yon aatork aamaab, nima kan, tiwan ni bi chain na aan nya buen lichinjal ni, nin chee ni ga ŋmaa tii binib titotonn na.”

Liifai Yaab 1:11

U ku ki libimbiln paab, ŋŋangan wɔb, le bitotoorb ga di kaasin yɔk yɔk kitork aabimbiln paab, ŋipepel mɔmɔk ŋinaa pu.

Liifai Yaab 10:12

Moses nan ki bui Aaronn, ni ujapɔtiib Eleasar ni Itamar bi gur na ke, “Ni di njikaabim aatork ti gur ki nyan ni tijikaar aatork ponn ni, aan ni di tii Uwumbɔr na, ki ŋa boroboro u kaa kpa boroboro aanyɔk na, ki ŋmɔ u kitork aabimbiln chee, ba pu? ipiin ngbaan ye i bi chain na la.

Liifai Yaab 7:12

Unii yaa ban u toor kitork kina aan ni li ye idoon aapiin ki tii Uwumbɔr kan, u ban tijikaar aapiin imina ki di kpee kitork aawakork pu: Boroboro u baa di boroboro aanyɔk ŋa u ni na, ki di olif aakpan ŋmal waayon ni, bee ni pu maab ki di olif aakpan gbaa u, bee ni di olif aakpan ŋmal n‑yon ni, ki ken maab.

Nkahm 6:15

ki kpee na, u ga ban ni boroboro u gbei ki ŋmar olif aakpan, kaa kpa boroboro aanyɔk na kibɔɔkuuk kibaa, ni maab u bi di olif aakpan ŋmir u na; ki kpee njikaabim ni ŋisubil aadaan pu.

Matiu 26:38

Le u bui bi, “Nsui bii ki ti nyaŋ. Ni wu ke nkun aah wu pu na. Kaln do man, ki li lik man.”

Jɔnn 12:27

“Dandana, nsui bii sakpen a. M ga len kinye? M ga len ke, ‘Nte, nyan mi falaa u choo na ni ii?’ Maan len kina; ba pu? ŋitaa ŋi pu m dan dulnyaa wee ni na le ye ke m ji falaa ngbaan.

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.

1 Piita 2:1

Nima pu na, ni taa ki li kpa kinanaŋ, ki taa ki ŋmanni tɔb, ki taa li ye binib bi ŋmanni ke bi ŋan na, ki taa li kpa lipiipoln, ki taa li bii binib.

1 Piita 2:22

Waa nan ŋa titunwanbir aatuln libaa, ki mu aa nan mɔn nnyamɔn mubaa.