Liifai Yaab 2:12 - Uwumbɔr aagbaŋ

¹² Libiln mɔk ni, ni yaa chee njan aajikaabim kan, ni ban ti ki nan tii Uwumbɔr ipiin, ni taa see tima mmii ni.

Liifai Yaab 2:12 ပူးပေါင်းရင်းမြစ်များ

Mpiin 23:17

Kina le Efronn aakpaakon mu nan bi Makpela aatiŋ, ki dɔ gbɔk Mamre aatiŋ liwipuul wɔb na, nan kpaln Abraham aatiŋ. U nan kpaan yeh kitiŋ, ni kitakpaluŋ, ni isui imɔk nan bi kitiŋ ngbaan ponn ni na.

2 Bibɔrb Aabɔr 31:5

Ubɔr aah tii limɔboln ngbaan na, libuul ngbaan ni, le binib ngbaan di baajan aajikaabim, ni ndaan, ni olif aakpan, ni tisiir, ni tisar aajikaar tiken na, ni baah kpa tiwan ni mɔmɔk, ki yakr ni kipiik kipiik ki nyan nibaabaa tii Uwumbɔr na buen.

Nnyam 22:29

“Ni li tii mi ipiin i nyan ni nimi aajikaabim, ni ŋisubil aadaan, ni olif aakpan, ni mɔmɔk aayoonn. “Ni di nimi aajan aabijabim mɔmɔk tii mi.

Nnyam 23:19

“Ni li joo ni njan aajikaar ti pue biir nimi aasar ni na ki di dan min Nidindaan Uwumbɔr Aadichal ni, ki nan di tii mi. “Ni taa di upiih, bee uŋoob aabiin ŋaa waabo.

Nnyam 34:22

“Ni li ji Ndipɔndaan Aajim n‑yoonn mu ni piin ki bi chee njikaabim na, ki li ji Tikakar Aajim buyoonn ni ti kuun tijikaar doo na.

Liifai Yaab 23:17

Mmaal mɔmɔk li joo ni ŋiboroboro kpin ŋilelee ki nan tii Uwumbɔr ipiinkpaan. Ni di n‑yon kuruwaa bilee ŋa boroboro kpiln libaabaa ki di nnyɔk ŋmal mu ni, aan ki ŋa boroboro kpin ŋilee ngbaan, ni li ye njan aajikaar aapiin i ni di tii Uwumbɔr ipiin na.

Liifai Yaab 7:13

U ki ban boroboro u bi di boroboro aanyɔk ŋmal waayon ponn ni na ki di kpee.

Nkahm 15:20

Ni yaa ken maab kan, ni di njan aamaab u ni di njikaabipɔm aayon ŋa u na, di tii Uwumbɔr, ni ye ipiinkpaan le u chee. Naah poi njikaabipɔm ki tii Uwumbɔr ipiin pu na, ni li tii njan aamaab mu kina.

Nkahm 18:12

“M di tiwanyaan ni Israel yaab kan ki nyan baasar ni, ŋibin mɔmɔk ni, aan bi di tii mi na, tii si; tiwan ngbaan sɔ: olif aakpan, ni ŋisubil aadaan, ni njikaabim.

1 Korenti 15:20

Tɔ, ni ye mbamɔn la, Uwumbɔr sil fikr Kristo nkun ni. Uma le ye njan aanii u puen fikr nkun ni na, le ki mɔk ke binib bimɔk kpo na mu ga nan fikr nkun ni.

Ikaal 26:10

Nima pu le m joo ni njan aajikaar ti m chee na ke m nan tii uma Uwumbɔr.’ “Aa yaa len kina doo kan, aa di kibɔɔkuuk ngbaan siin Uwumbɔr aanimbiin ni, ki doon u.

Tibɔkpiirkaan 14:4

Bima le ye binib bi kaa doon bipiib chee kaa ŋa bibaa tijɔŋ. Baa nyi bipiib. Bima le dii Upihbo ngbaan waah cha nin chee na mɔmɔk. Uwumbɔr nyan bi binib ponn ni ki daa bi, bi li ye u ni Upihbo ngbaan aanib.