Liifai Yaab 2:10 - Uwumbɔr aagbaŋ

¹⁰ Ipiin i gur na ye bitotoorb yaan la. Baah di tijikaar aapiin ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 2:10 ပူးပေါင်းရင်းမြစ်များ

2 Bibɔrb Aabɔr 31:14

Imna aajapɔɔn Kore, u nan ye Liifai aanii ki ye Uwumbɔr Aadichal aabisamɔb mu bi yin mu ke Liwipuul Aabisamɔb na aaninkpel na le nan ye u gaal ipiin i bi joo nan tii Uwumbɔr na, le ki yakr i tii.

Esra 2:63

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di tiwan ni bi yin ni ke Urim ni Tumim na mɔk ke bi ga ŋmaa ji ti na bi nima.

Esekiel 44:29

Bitotoorb aajikaar le ga li ye njikaabim aatork, ni titunwanbir aachapinn aatork, ni lipɔln aateem aatork, bima ki yeh tiwan ni mɔmɔk bi nyan Israel aatiŋ pu ki di tii mi na.

Esekiel 46:20

le ki bui ke, “Do chee na le bitotoorb ga ŋaa titunwanbir aatork, ni lipɔln aateem aatork aanann, ki ken n‑yon aatork aamaab, nima kan, tiwan ni bi chain na aan nya buen lichinjal ni, nin chee ni ga ŋmaa tii binib titotonn na.”

Liifai Yaab 10:12

Moses nan ki bui Aaronn, ni ujapɔtiib Eleasar ni Itamar bi gur na ke, “Ni di njikaabim aatork ti gur ki nyan ni tijikaar aatork ponn ni, aan ni di tii Uwumbɔr na, ki ŋa boroboro u kaa kpa boroboro aanyɔk na, ki ŋmɔ u kitork aabimbiln chee, ba pu? ipiin ngbaan ye i bi chain na la.

Liifai Yaab 14:13

U kɔr upiih ngbaan chain aapepel, nin chee bi joo tiwakor toor titunwanbir aatork na, ni kitork ki bi joo seer mmii ni na wɔb. U ŋa kina, ba pu? lipɔln aatork ye utotoor yaan ki bi chain, ke titunwanbir aatork na.

Liifai Yaab 2:3

N‑yon mu gur na ye bitotoorb yaan la. Baah di tijikaar ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 21:22

Unii kina aaboln ga ŋmaa ji tijikaar ti bi di tii min ti ye chain, ni chain chain aajikaar aatork na.

Liifai Yaab 5:13

Kina le utotoor ga toor kitork tii utunwanbirdaan, le Uwumbɔr ga di cha pinn u waatunwanbir. N‑yon mu gur na ye utotoor na yaan le ke njikaabim aapiin aah ye uyaan pu na.

Liifai Yaab 6:16

Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 6:23

Utotoor aah tii ipiin i aan i ye njikaabim aapiin na, ubaa taa ji i, ni see i mɔmɔk mmii ni.

Liifai Yaab 6:9

ke u di kitork ki bi joo seer mmii ni na aapiin aakaal aabɔr timina tuk Aaronn ni waabijabim. Ni yaa ban ni see kitork mmii ni kan, ni cha ki li paa libimbiln paab aan mmii li gaal kina kitaak ti woln.

Liifai Yaab 7:7

Titunwanbir aatork, ni lipɔln aapam aatork kpaa nkaal mubaa la: Utotoor u toor kitork ngbaan na le yeh kitork ngbaan aawakor ti bi di toor na aanann.

Nkahm 18:9

Ipiinkpaan i ye miyaan ki bi chain, baan di see mmii ni, kitork aabimbiln pu, ki ye saawan na sɔ: njikaabim aatork, ni titunwanbir aatork, ni lipɔln aapam aatork. Tiwan nimɔk bi di tii mi, ni ye chain aapiin na ye aa ni aajapɔtiib yaan la.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.