Liifai Yaab 19:5 - Uwumbɔr aagbaŋ

⁵ “N‑yoonn mu ni kɔr kiwakork ki ŋa kimɔbaan aatork na, ni li joo ikaal i m tuk nimi na, le m ga gaa kitork ngbaan.

Liifai Yaab 19:5 ပူးပေါင်းရင်းမြစ်များ

2 Bibɔrb Aabɔr 31:2

Ubɔr Hesekia nan ki gir cha bitotoorb ni Liifai yaab aabimbin sil, le bimɔk kpa baatun ŋi bi tun na. Ŋima le nan ye kitork ki bi joo seer mmii ni na, ni kimɔbaan aatork, ki kpee Uwumbɔr Aadichal ni aadoon, ki tii Uwumbɔr idoon ni kipak, ni Uwumbɔr Aadichal ni aapepel mɔk ni aatun.

Nnyam 24:5

U nan tun binachipɔm le bi ti see kitork aapiin tii Uwumbɔr, le ki di inaja toor kimɔbaan aatork mu.

Esekiel 46:12

“Ujojoor ngbaan yaa ban u toor waageehn aatork tii min Uwumbɔr, aan ki li ye kitork ki bi joo seer mmii ni na, bee kimɔbaan aatork kan, bi ga piir kichinbik aabisamɔb mu bi liwipuul wɔb na le u dii koo. U ga toor kitork ngbaan ke waah toor Likpaakool daal pu na la, le u yaa nan nyan kan, bi ki laŋ mbisamɔb ngbaan.”

Esekiel 46:2

Israel yaab aajojoor ga dii lichinjal aabisamɔb ni le ki koo kinaakook ni, ki ti sil mbisamɔb aadɔja chee aan utotoor di waatork see mmii ni, ki toor waamɔbaan aatork mu tii u. Mbisamɔb nima chee le u ga doon mi ki gir nya. Mbisamɔb ngbaan ga li waa kina le ki ti saa kijook.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 19:4

“Ni taa yii mi aan ki li dooni ŋiwaa, ni taa di tikur naan ŋiwaa ki doon ŋi. Min le ye Nidindaan Uwumbɔr.

Liifai Yaab 19:6

Bundaal ni kɔr kitork ngbaan aawakork na kan, ni ŋmɔ tinann ngbaan liyaadaal, ni kitaak ki ga ki woln na. Wintaa daal, tinann ngbaan yaa ki gur kan, ni taa ŋmɔ ti, ni see ti mmii ni,

Liifai Yaab 22:19

Udaan yaa ban ke Uwumbɔr gaa waapiin aatork kan, u cha ki li ye kijak ki mu taa li kpa iween.

Liifai Yaab 22:21

Ni yaa ti ban ni tii Uwumbɔr kimɔbaan aapiin, bee ni ye lipɔln, bee ni ban ni tii nibaa aageehn aapiin, ki ban ke Uwumbɔr gaa ipiin ngbaan kan, ni cha kiwakork li ŋan.

Liifai Yaab 22:23

Ni yaa ye ngeehn aapiin le ni ban ni tii kan, ni ga ŋmaa di kiwakork ki ni gee na ŋa kina aapiin; ni yaa ye tipuur aapɔln aapam kan, naan ŋmaa ŋa kina.

Liifai Yaab 22:29

Ni yaa ban ni toor idoon aatork ki tii Uwumbɔr kan, ni li dii ikaal ngbaan, le Uwumbɔr ga gaa nimi aapiin ngbaan.

Liifai Yaab 7:16

Unii yaa nan puu tipuur le ki giin ti, bee u yaa tii ipiin ubaa aageehn pu, le tinann yaa gur ki woln kitaak kan, ni li ŋmɔ man.

Liifai Yaab 7:18

Ni yaa ŋman ti wintaa daal ngbaan kan, Uwumbɔr aan ki gaa udaan ngbaan aatork. Le kitork ngbaan aan ki ŋmaa nyan udaan ngbaan waatunwanbir ni, ti bii le na, le umɔk ŋman kitork ngbaan aanann na ga kan ntafadaan.