Liifai Yaab 19:3 - Uwumbɔr aagbaŋ

³ Ni mɔmɔk li pak nitetiib ni ninatiib, ki li joo Likpaakool daal ke maah siin pu na. Min le ye Nidindaan Uwumbɔr.

Liifai Yaab 19:3 ပူးပေါင်းရင်းမြစ်များ

Mpiin 48:12

Le Josef yaar waabim ngbaan ute aataŋaayil chee, le ki gbaan ute aanimbiin ni.

Nehemia 9:14

Aa nan mɔk bi ke bi li joo Saakpaakool daal mbamɔm; ki nan di saakaal tii saatutunn Moses le u di ŋum bi.

Nnyam 16:29

Ni teer ke min Uwumbɔr le tii nimi lifuur aawiin, nima pu le winloob daal kan, m tii nimi tijikaar ti ŋeer iwiin ilee aajim na. Ni mɔmɔk ga li bi nimi aadichal ponn ni, winlole daal, ki taa nya buen nibaa chee.”

Nnyam 20:12

“Aa li pak aate ni aana, nima kan, aa ga li bi ki yunn kitiŋ ki m ga di tii nimi na ni.

Nnyam 20:8

“Ni li nyuŋni likpaakool daal aawiin, ke mu ye Maawiindaal la.

Nnyam 21:15

“Unii yaa faa ute bee una kan, ni ku u.

Nnyam 21:17

“Unii yaa len tibɔbir lii ute bee una pu kan, ni ku u.

Ŋiyataŋak 1:8

Maabo, li pel aate ni aana aah tuk si pu na.

Ŋiyataŋak 23:22

Ŋun tii aate; ni yaa kaa ba ye u pu kan, saa ba bi. Aana yaa por kan, mɔk u saah neen u pu na.

Ŋiyataŋak 30:11

Binib bibaa bi, ki puuni lir bitetiib pu, kaa neen binatiib mu.

Ŋiyataŋak 30:17

Unii umɔk ŋani ute yaansara na, ni unii umɔk lik una fam waapininkpir ni na ŋan ke nangba tiib le ji u, le ikaabɔn mu gaa lokr unimbil.

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Esekiel 20:12

M nan cha Likpaakool daal aajoom le ye m ni bima aaseeraa, ki li teer bi ke min Uwumbɔr bi chain la.

Liifai Yaab 11:44

Min le ye Nidindaan Uwumbɔr, le ni ŋan ke ni li joo nibaa chain, ba pu? m bi chain la.

Liifai Yaab 19:25

Libiln ŋmuŋmur ni kan, ni ga ŋmaa ji ŋisubil ngbaan. Ni yaa ŋa maah mɔk nimi pu na kan, nimi aasubil aasui ga lu sakpen. Min le ye Nidindaan Uwumbɔr.

Liifai Yaab 19:30

Ni li joo Likpaakool aawiin chain, ki li pak nin chee ni dooni mi na. Min le ye Uwumbɔr.

Liifai Yaab 19:31

“Ni taa ban binib bi baa bitekpiib chee tibɔr na aasurm. Ni yaa ŋa kina kan, ni ga bii nibaa, kaan ki li bi chain. Min le ye Nidindaan Uwumbɔr.

Liifai Yaab 19:34

Ni li ŋani bi tiŋann ke naah ŋani niŋeen aatɔtiib Israel yaab biken pu na, ki li gee bi ke naah gee nibaa pu na. Ni teer ke ni mu nan ye biwɔwɔm le Ijipt aatiŋ ni. Min le ye Nidindaan Uwumbɔr.

Liifai Yaab 23:3

Ni kpa iwiin iloob, ni di tun nibaa aatuln. Ni teer ke winlole daal ye Likpaakool la, ni kal fuur liyaadaal. Liyaadaal kan, ni taa tun lituln. Ni kuun ni tɔb chee ki nan doon Uwumbɔr. Uma Uwumbɔr le yeh Likpaakool daal, ni yaa bi nin chee na kan, ni li nyi ke nwiin ngbaan ye Uwumbɔr aawiin la.

Liifai Yaab 26:2

Ni li ŋani maah mɔk nimi pu na aajim, ki li nyuŋni naah dooni mi nin chee na. Min le ye Uwumbɔr.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Ikaal 27:16

“‘Uwumbɔr aamɔpuur bi unii umɔk lik seen ute bee una na pu.’ “Le binib ngbaan mɔmɔk ga kpaan ki kii ke, ‘Amii.’

Ikaal 5:16

“‘Aa li pak aate ni aana, ke min Nidindaan Uwumbɔr aah bui si pu na, nima kan, tiwan mɔmɔk ga li ŋan tii si, aan aa li bi ki yunn, kitiŋ ki m ga di tii si na ni.

Hiibru Yaab 12:9

Titetiib bi ma timi na nan dar titafal la, le ti pak bi. Nima le ni ŋan ke ti kii Tite Uwumbɔr u bi paacham na aamɔb ki jer kina, aan ki kan limɔfal.