Liifai Yaab 18:5 - Uwumbɔr aagbaŋ

⁵ Ni li ŋani ki li dii maakaal i m di mɔk nimi na; ni yaa ŋa kina kan, ni ga li kpa limɔfal. Min le ye Uwumbɔr.”

Liifai Yaab 18:5 ပူးပေါင်းရင်းမြစ်များ

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Nnyam 6:2

Uwumbɔr nan len Moses chee ki bui ke, “Min le ye Uwumbɔr.

Nnyam 6:29

u nan len ke, “Min le ye Uwumbɔr. Tuk Ijipt yaab aabɔr ngbaan maah ga len pu na.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Esekiel 18:9

Kina aanii joo maah mɔk pu na ki joo maakaal mbamɔm. U ye unii u aabimbin ŋan na, le ki ga li kpa limɔfal;” kina le Dindaan Uwumbɔr len.

Esekiel 20:11

M nan tuk bi maah ban bi li bi pu na, ki mɔk bi maakaal i tii unii umɔk gaa i ki kii na limɔfal na.

Esekiel 20:13

Tɔ, nteersakpiin ni, nima chee le bi kpaan yii maamɔb. Bi bii maakaal, le ki yii maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom pel pel. M nan gor nteersakpiin ni nima ke m cha bi bee maaŋuul aah pɔɔ pu na ki kuln bi.

Esekiel 20:21

“Tɔ, bima ngbaan aaker mu nan ki yii maamɔb. Bi nan bii maakaal, kaa joo maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom. Nteersakpiin ni, nima chee, le m nan gor ke bi bee maaŋuul aah pɔɔ pu na, ki kuln bi mɔmɔk.

Liifai Yaab 18:6

Le Uwumbɔr nan di ikaal imina tuk bi. Ni taa doon nimi aamaal ni aapii ubaa chee.

Malakai 3:6

“Min le ye Uwumbɔr, maa kpelni. Kina pu na, nimi, Jakob aayaabitiib aa kee kuln doo.

Matiu 19:17

Le Yesu baa u, “Ba pu aa baa mi litunyaan pu? Uwumbɔr baanja le ŋan. Aa yaa ban limɔfal li kaa kpa ndoon na kan, kii waakaal.”

Tibɔnyaan ti Luk ŋmee ti na 10:28

Le Yesu bui u, “Aa len mbamɔn la. Li ŋani kina, le aa ga kan limɔfal.”

Rom Yaab 10:5

Moses nan ŋmee ke unii yaa kii nkaal aah mɔk pu na kan, Uwumbɔr ga len ke waabɔr ŋan. U nan ŋmee ke “Unii yaa ŋa nkaal aah mɔk pu na kan, u ga kan limɔfal.”

Rom Yaab 7:10

Uwumbɔr nan tii timi waakaal ke ti dii mu, aan ki kan limɔfal. Le m bee ke maah kaa ŋmaa joo waakaal mɔmɔk na, m ŋeer nkun.

Galantiya 3:12

Moses aakaal bi, le ki cha naadii mu bi. Nkaal ngbaan len ke unii u dii mu mbamɔm na ga li kpa limɔfal.

Ikaal 30:20

Ni li gee Nidindaan Uwumbɔr, ki kii tii u, ki li dii u mbamɔm. Le nimi ni niyaabitiib ga ti li bi waah nan puu tipuur ke u ga di kitiŋ ki tii niyaajatiib Abraham, ni Aisak, ni Jakob na ponn ni, ki yunn.”

Ikaal 30:6

Nidindaan Uwumbɔr ga tii nimi ni niyaabitiib nsui mu kpa limɔkiir na, nima kan, ni ga li gee u nisui ni mbamɔm, ki li bi kitiŋ ngbaan ni.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.