Liifai Yaab 17:6 - Uwumbɔr aagbaŋ

⁶ Le utotoor ga di nsin mee kpir kpir kitork aabimbiln aapepel mɔmɔk, Libool aabisamɔb chee, ki di nkpan see mmii, aan ni nyan nnumɔɔn, ki li nu mɔ Uwumbɔr chee.

Liifai Yaab 17:6 ပူးပေါင်းရင်းမြစ်များ

Nnyam 29:13

“Ni paa na, aa nyan u ponn ni aakpan, ni lipɔɔl nin chee ŋan na, ni ŋipɔɔkpeebil, ni nkpan mu paa ŋi pu na, ki di see mmii ni, kitork aabimbiln paab, ki tii mi.

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Liifai Yaab 17:5

Nkaal ngbaan aatataa le ye ke Israel yaab mɔmɔk li joo ni baawakor ti bi joo toor kitiŋ ponn ni yɔl yɔl na nan toor kitork tii Uwumbɔr. Bi li joo i ki nan di tii utotoor, Uwumbɔr Aabool aabisamɔb chee, aan u di toor kimɔbaan aapiin aatork.

Liifai Yaab 3:11

Le utotoor u ŋa kitork ngbaan na di ni mɔmɔk see mmii ni, libimbiln paab, ni li ye tijikaar aapiin ki tii Uwumbɔr.

Liifai Yaab 3:13

u di uŋaal paan uŋoob ngbaan aayil pu, aan ki kɔr u Libool na aabisamɔb chee. Le bitotoorb di nsin yɔk yɔk kitork aabimbiln aapepel ŋinaa mɔmɔk pu,

Liifai Yaab 3:16

Utotoor ga di ni see mmii ni, kitork aabimbiln paab, ni li ye tijikaar aapiin i nu mɔ Uwumbɔr chee na. Nkpan aawan mɔmɔk ye uma Uwumbɔr yaan la.

Liifai Yaab 3:2

Uja ngbaan ga di uŋaal paan unaa ngbaan aayil pu, le ki kɔr u Uwumbɔr Aabool aabisamɔb chee. Le Aaronn aabijabim bi ye bitotoorb na ga di nsin yɔk yɔk kitork aabimbiln aapepel mɔmɔk ŋinaa pu.

Liifai Yaab 3:5

Le bitotoorb ga di ni mɔmɔk, ki di kpee kitork kiken pu, ki see mmii ni, kitork aabimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 3:8

u di uŋaal paan uyil pu, ki kɔr u Libool na aabisamɔb chee. Bitotoorb ga di nsin yɔk yɔk kitork aabimbiln aapepel mɔmɔk ŋinaa pu,

Liifai Yaab 4:31

U chuu nyan waakpan mɔmɔk, ke waah nyan kimɔbaan aatork aawakor aakpan pu na, ki di mu see mmii ni, libimbiln paab, aan ni li nu mɔ Uwumbɔr chee. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Nkahm 18:17

Tɔ, njan aanaabo, ni upihbo, ni uŋobo ma kan, ni taa cha bi ki gir daa ti; tiwakor ngbaan ye min yaan la, aan bi li joo toor kitork tii mi. Ni di taasin gbaa kitork aabimbiln, aan ki di tiponn ni aakpan see mmii ni, aan ni li ye tijikaar aapiin tii mi; kitork ngbaan nu mɔ m chee.