Liifai Yaab 17:5 - Uwumbɔr aagbaŋ

⁵ Nkaal ngbaan aatataa le ye ke Israel yaab mɔmɔk li joo ni baawakor ti bi joo toor kitiŋ ponn ni yɔl yɔl na nan toor kitork tii Uwumbɔr. Bi li joo i ki nan di tii utotoor, Uwumbɔr Aabool aabisamɔb chee, aan u di toor kimɔbaan aapiin aatork.

Liifai Yaab 17:5 ပူးပေါင်းရင်းမြစ်များ

Mpiin 21:33

Beerseba aanyunbun ngbaan chee le Abraham nan ŋum busub bu aafar aa gbaar n‑yoonn mɔmɔk na, le ki doon Tidindaan Uwumbɔr u bi kaa kpa ndoon na.

Mpiin 22:13

Abraham nan yaar ki lik, le ki kan upihja si timoor ni, uyiin lɔk busub waatiir bubaa ponn ni. Le u buen ti chuu upihja ngbaan ki nan di toor kitork tii Uwumbɔr, kaa ki di ujapɔɔn toor.

Mpiin 22:2

Uwumbɔr nan bui u ke, “Di aajapɔɔn, u ye aajapɔnbaal Aisak, aan aa gee u sakpen na, ki di u buen Moria aatiŋ ni. Nima chee m ga mɔk si lijool libaa paab, aa di u toor kitork tii mi nima chee.”

Mpiin 31:54

U nan kɔr kiwakork ki toor kitork, lijool ngbaan paab, le ki nan chɔi waanib ngbaan, le bi dan nan jin tijikaar. Baah jin doo na, le bi mɔmɔk kpaan doon lijool ngbaan paab.

1 Bibɔrb 14:23

Bi nan maa maa nin chee bi dooni ŋiwaa ŋi ye fam na, le ki maa ŋibimbifɔfɔŋ, ni liwaapii Asera aanaŋ ŋigongon paab, ni isui i kpa mboon na taab.

1 Bibɔrb 3:2

Baa nan kee maa Lidichal tii Uwumbɔr, kina pu na, binib nan toor kitork tii u, kitork aabimbin yayan pu la.

1 Bibɔrb 3:3

Solomonn nan gee Uwumbɔr, le ki dii nsurm mu ute David nan tii u na, u mu nan tee kɔr tiwakor toor kitork ŋibimbin yayan pu.

2 Bibɔrb 16:4

Ahas nan toor kitork ki seer nnyɔknii tiwaadir ni, ni ŋigongon paab, ni busub bumɔk nan kpa mboon na taab tii ŋiwaa.

2 Bibɔrb 17:10

Bi nan siin siin ŋigongon mɔmɔk, ni busub bumɔk kpa mboon na taab ŋiwaabimbin ni liwaapii Asera aanaŋ,

2 Bibɔrb Aabɔr 28:4

U nan toor kitork ki seer nnyɔknii tiwaadir ni, ni ŋigongon paab, ni busub bumɔk nan kpa mboon na taab.

Nnyam 24:5

U nan tun binachipɔm le bi ti see kitork aapiin tii Uwumbɔr, le ki di inaja toor kimɔbaan aatork mu.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 22:9

Saanib bibaa geei inyamɔn paani biken pu ke bi ku bi. Bibaa ji ŋiwaa aatork. Bibaa ŋani baakpeek aah ban pu na n‑yoonn mɔmɔk.

Esekiel 43:27

Likpaakool ngbaan yaa jer kan, bitotoorb ga piin ki li seer binib aatork ki bi joo seer mmii ni na, ni kimɔbaan aatork, libimbiln ngbaan pu. Nima le nsui ga li piin ni mɔmɔk pu. Min Nidindaan Uwumbɔr le len kina.”

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Liifai Yaab 17:6

Le utotoor ga di nsin mee kpir kpir kitork aabimbiln aapepel mɔmɔk, Libool aabisamɔb chee, ki di nkpan see mmii, aan ni nyan nnumɔɔn, ki li nu mɔ Uwumbɔr chee.

Ikaal 12:2

Ni kuln naah ban ni gaa kitiŋ ki na aanib ngbaan aah dooni baawaa nin chee na, nima le ye ŋijoofɔfɔk pu, ni ŋigongon pu, ni tiwaachur aasui taab.