U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.
Uja yaa yoor ute aabisal, bee una aabisal, ki di ŋa upuu kan, ni nyan bi mpaan pu ki jinn bi inimɔɔn, aan ki nyan bi nibaa chee. U doon uninkpan chee la, ni cha u ji kina aafalaa.
Tibɔr timina le ban titunwanbir aatork: Bi yaa yin ni ponn ni ubaa libɔjil ni, ke u nan len mbamɔn waah nyi ki kan pu na, aan u yii kaa len mbamɔn kan, u ŋeer ke u ji falaa kina pu.
Ni yaa ŋman ti wintaa daal ngbaan kan, Uwumbɔr aan ki gaa udaan ngbaan aatork. Le kitork ngbaan aan ki ŋmaa nyan udaan ngbaan waatunwanbir ni, ti bii le na, le umɔk ŋman kitork ngbaan aanann na ga kan ntafadaan.
Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.
U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.
