Liifai Yaab 17:11 - Uwumbɔr aagbaŋ

¹¹ Tiwanfuurkaan mɔmɔk aamɔfal bi nsin ni la, kina pu le Uwumbɔr siin nkaal ke ni nyan tiwakor aasin mɔmɔk ŋa kitork aabimbiln pu, aan mu nyan binib ngbaan aatunwanbir. Nsin, mu ye limɔfal na, le nyani titunwanbir.

Liifai Yaab 17:11 ပူးပေါင်းရင်းမြစ်များ

Mpiin 9:4

Taa ŋmɔ tinann ti nsin aa nyan ti ponn ni na, ni taa ji kina aawan; ba pu? limɔfal bi nsin ni la.

Liifai Yaab 1:5

U ga ku unaaja ngbaan nima chee, le Aaronn aamaal bi ye bitotoorb na ga di waasin tii Uwumbɔr, ki di mu yɔk yɔk kitork aabimbiln li si Libool ngbaan aabisamɔb chee na aapepel mɔmɔk ŋinaa pu.

Liifai Yaab 16:11

N‑yoonn mu Aaronn di unaaja na toor titunwanbir aatork ki nyan ubaa, ni waamaal aatunwanbir na,

Liifai Yaab 17:12

Nima pu le Uwumbɔr tuk Israel yaab ke bi ni biwɔwɔm bi koo bi chee na ubaa taa ŋmɔ tinann ti nsin beenin bi ti ponn ni na.

Liifai Yaab 17:14

Ba pu? tiwanfuurkaan mɔmɔk aamɔfal bi nsin ni la, nima pu le Uwumbɔr bui Israel yaab ke bi taa ji tinann ti nsin bi ti ponn ni na, ke unii umɔk ŋa kina na, waan ki li ye Uwumbɔr aanib ponn ni ubaa.

Liifai Yaab 4:25

Utotoor ga di uŋanbik bɔ nsin ni, ki di mu yɔk yɔk libimbiln aalɔlɔ aamɔju mɔmɔk pu, ki di nsin mu gur na kpir libimbiln ngbaan aataab.

Liifai Yaab 4:26

U ga di waakpan ngbaan see mmii ni, libimbiln paab, ke waah see kimɔbaan aatork aawakor aakpan pu na. Utotoor yaa toor kitork kimina aaboln tii utinjoor kan, Uwumbɔr ga di cha pinn u waatunwanbir.

Liifai Yaab 8:15

Moses nan kɔr u, le ki teŋ waasin, ki di uŋanbik ŋa nsin ngbaan ni, ki di ŋa kitork aabimbiln na aalɔlɔ aamɔju pu, le ki di li tii Uwumbɔr. U nan di nsin mu gur na kpir libimbiln ngbaan aataab. U nan ŋa kina ki toor li chain, le ki di li tii Uwumbɔr.

Matiu 20:28

ki li bi ke min Unibɔn Aabo aah bi pu na; maa dan dulnyaa wee ni ke bi nan tun lituln tii mi, m dan ke m nan tun lituln tii binib, ki kpo ke m gaa binib pam lii la.”

Matiu 26:28

Maasin le na. Maasin pu, le Uwumbɔr puu tipuupɔln ki tii nimi. Maasin ga nya binib pam aatunwanbir pu, aan Uwumbɔr di cha pinn bi.

Tibɔnyaan ti Mak ŋmee ti na 14:24

Le u bui bi, “Maasin le na. Maasin pu, le Uwumbɔr puu tipuupɔln tii nimi. Binib pam aatunwanbir pu le maasin ngbaan ga nya.

Rom Yaab 3:25

U nan di Yesu siin binib aanimbil ni, ke u nan kpo, aan uma Uwumbɔr taa ki gee liŋuul ti pu. Ti yaa gaa Yesu ki kii kan, waasin pu le Uwumbɔr ga di cha pinn timi. Nima le mɔk ke Uwumbɔr ŋani ni ŋan na; ba pu? u nan kpa limɔr, kaa bii binib bi tun titunwanbir buyoonn Yesu Kristo aa kee dan dulnyaa wee ni na.

Rom Yaab 5:9

Kristo aasin pu le Uwumbɔr len ke timi aabɔr ŋan. Ŋmaninkabaa taah ga nya ntafadaan mu ponn ni u pu na?

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

Ikaal 12:23

Ni taa tee kpaan ŋmɔ tiwakor ngbaan aanann aan nsin li bi ti ponn ni, ba pu? limɔfal bi nsin ponn ni la; ni taa kpaan ŋmɔ tinann ni limɔfal.

Kolosiya 1:14

Uma le gaa timi lii, le Uwumbɔr di cha pinn timi aatunwanbir, [Ujapɔɔn aasin pu].

Kolosiya 1:20

Uma Yesu pu, le ni mɔ Uwumbɔr ke u di tiwan ni mɔmɔk bi paacham, ni tiwan ni mɔmɔk bi kitiŋ na tooh kijɔtiik ubaa chee. Waasin nan nyan uwon ni, ndɔpuinkoo pu; waasin ngbaan pu le Uwumbɔr cha tiwan ngbaan mɔmɔk ni uma ŋa kijɔtiik.

Hiibru Yaab 13:12

Nima pu le Yesu mu nan kpo kitiŋ aagbaan, ke waasin finn tisui, ki ŋa timi chain.

Hiibru Yaab 9:22

Nkaal ngbaan aah dii pu na, bi yaa nan ban ke bi ŋa tiwan chain kan, see bi di nsin yɔk yɔk ni pu le ki ŋa ni chain. Nsin yaa kaa nyan kan, Uwumbɔr aan di cha pinn titunwanbir.

1 Piita 1:2

Tite Uwumbɔr nan nyan nimi waageehn pu, ki cha Waafuur Nyaan ŋa nimi chain, ni li keei Yesu Kristo aamɔb, aan Uwumbɔr di cha pinn nimi Yesu aasin pu. Uwumbɔr ŋa tinyoor ŋa ni pu, ki tii nimi nsuudoon pam.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

1 Jɔnn 2:2

U nan si timi aasisiiyaan ki di ubaa toor kitork tii Uwumbɔr, timi aatunwanbir pu; naa ye timi baanja aatunwanbir pu, binib bimɔk bi dulnyaa ni na aatunwanbir pu. Uma Yesu pu, le Uwumbɔr ga di cha pinn timi.