Liifai Yaab 16:6 - Uwumbɔr aagbaŋ

⁶ U di unaaja toor kitork ki nyan ubaa, ni waamaal aatunwanbir.

Liifai Yaab 16:6 ပူးပေါင်းရင်းမြစ်များ

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Esekiel 43:19

Bitotoorb bi ye Liifai aanibol ni aanib ki ye Sadok aayaabitiib na baanja le ye binib bi ga ŋmaa sil nnimbiin ni ki tun maatuln na. Min Bidindaan Uwumbɔr le siin kina. Aa ga tii bi linaajabil le bi di toor titunwanbir aatork.

Esekiel 43:27

Likpaakool ngbaan yaa jer kan, bitotoorb ga piin ki li seer binib aatork ki bi joo seer mmii ni na, ni kimɔbaan aatork, libimbiln ngbaan pu. Nima le nsui ga li piin ni mɔmɔk pu. Min Nidindaan Uwumbɔr le len kina.”

Liifai Yaab 16:3

N‑yoonn mu u ti joo ni unaajabo u nan toor titunwanbir aatork, ni upihja u u joo ni u nan toor kitork ki bi joo seer mmii ni na, le u ga ŋmaa koo nima chee.”

Liifai Yaab 16:7

Le u ga di iŋoja ilee na buen Uwumbɔr aanimbiin ni, Waabool aabisamɔb chee.

Liifai Yaab 9:7

Moses nan bui Aaronn ke, “Li cha kitork aabimbiln chee, ki ti toor titunwanbir aatork, ni kitork ki bi joo seer mmii ni na, aan ki nyan aa ni binib ngbaan aatunwanbir. Toor kitork ngbaan tii Uwumbɔr ki nyan binib ngbaan aatunwanbir, ke Uwumbɔr aah mɔk pu na.”

Hiibru Yaab 7:27

Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.

Hiibru Yaab 9:12

le ki koo lipepel li ye chain na paacham, nfum mbaa kookoo. Uma ubaa aasin pu le u nan gaa timi lii n‑yoonn mu kaa kpa ndoon na, naa ye tiwakor aasin pu.

Hiibru Yaab 9:7

Utotoorninkpel baanja le koo ni chain chain aapepel li bi libool ngbaan ponn ni na. U koo ni nima chee libiln mɔmɔk nfum mbaa baanja la. U yaa koo ni kan, see u joo ni nsin nan tii Uwumbɔr, uma ubaa aatunwanbir ni binib aatunwanbir pu.