Liifai Yaab 16:22 - Uwumbɔr aagbaŋ

²² Le uŋoob ngbaan ga di baatunwanbir ti bi u pu na buen nin chee binib aa bi na.

Liifai Yaab 16:22 ပူးပေါင်းရင်းမြစ်များ

Ilahn 103:10

Waa dar timi aatafal ki ŋeer taah tun pu na, kaa teeni timi, timi aatunwanbir ni timi aataani pu.

Ilahn 103:12

Liwipuul ni liwilir aah daa tɔb chee pu na, kina le u nyan timi aatunwanbir ti chee ki di buen dandar.

Esekiel 18:22

M ga di waatunwanbir mɔmɔk cha pinn u, le u ga li kpa limɔfal, waah tun ni ŋan na pu na pu.”

Esekiel 4:4

“Nee aapuwɔb na, doon aaŋangan aasikakl pu, le m ga di Israel aatimbol aabɔbir nyiŋ aa pu. Aa ga li dɔ nima ki ji baabɔbir ngbaan aafalaa ki ti saa iwiin ikui itaa ni imonko inaa ni kipiik. M di nwiin mubaa le siin si ki ŋeer libiln libaabaa ki ti saa baatafadaan aah ga ti doo buyoonn na.

Liifai Yaab 14:7

ki di mu yɔk yɔk uweendaan ngbaan pu nfum mulole, ki bui ke u ŋa chain a. Linanjel li gur waa kɔr li na, utotoor di li lii aan li fii buen.

Liifai Yaab 16:21

U di uŋaal ilee paan uŋoob ngbaan aayil pu, ki kpiir Israel yaab aatunwanbir, ni baah yii Uwumbɔr aamɔb pu na mɔmɔk, ŋa uyil pu, ki nyan uja ubaa, u jenn uŋoob ngbaan buen kipɔɔk ni.

Liifai Yaab 16:23

Nee aapuwɔb le Aaronn ga gir koo Libool na ponn ni, ki ti peer waatotoor aawanpeenkaan ni u ba pee ki di koo Chain Chain Aapepel ni na, ki di leen li ponn ni.

Maika 7:19

Aa ga ki san timi kinimbaak lelee. Aa ga taa taa timi aatunwanbir ŋmal titan ni, ki di ti buen nnyusakpem aataab.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Hiibru Yaab 9:28

Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.