Liifai Yaab 16:2 - Uwumbɔr aagbaŋ

² le Uwumbɔr len Moses chee ke, “Bui aakpel Aaronn ke u taa li koo Chain Chain Aapepel ni, nin chee likekeln gii Libool ngbaan ni na yɔl yɔl, see n‑yoonn mu u ga koo ni ponn ni na ti fuu, ba pu? nima chee le m bi ntaalangbam ni, Maakaal Aadakaa aabiil aapaacham. U yaa yii ki koo kan, u ga kpo.

Liifai Yaab 16:2 ပူးပေါင်းရင်းမြစ်များ

1 Bibɔrb 6:16

Ponn ni aadiik ki bi yin ki ke Chain Chain Aapepel ni na, nan bi Uwumbɔr Aadichal ngbaan aapuwɔb la. Kaafɔfɔk nan ye ŋitaa piitaa, le bi di santina aadɔ ki chol kiir ki, ki nyan kitiŋ ki ti tuu ilɔkdɔ.

1 Bibɔrb 8:6

Le bitotoorb nin yoor Nkaal Aadakaa ngbaan di koon Chain Chain Aapepel ni, ki ti di u siin tiwan ni kpa ifeen na aataab, Uwumbɔr Aadichal ni.

Nnyam 30:10

Libiln ponn ni kan, Aaronn ti di kiwakork ki u di toor titunwanbir aachapinn na aasin, ki di gbaa ŋimɔchɔn ŋinaa pu nfum mbaa aan ki ŋa li chain. Ŋibin mɔmɔk ni kan, u ti ŋa kina nfum mbaa. Tulalee aayon aabimbiln ngbaan li bi chain, ni di li tii min Uwumbɔr.”

Liifai Yaab 16:13

Uwumbɔr aanimbiin ni, nima chee, u di tulalee aayon ngbaan paan mmii pu, lisambil ni, le iŋmanyuu ga fii biin Uwumbɔr Aakaal Aadakaa aabiil pu, nima kan, waan kan libiil ngbaan, ki kpo.

Liifai Yaab 16:34

Ni li joo ikaal ngbaan ki cha n‑yoonn mɔmɔk. Libiln ni kan, ni toor kitork ngbaan nfum mubaa, ki nyan Israel yaab mɔmɔk baatunwanbir ni, ki ŋa bi chain. Kina pu na, Moses nan ŋa Uwumbɔr aah tuk u pu na.

Liifai Yaab 8:35

Ni li bi Libool ngbaan ni, laachiln ni, nwiin pu ni kinyeek, ki ti saa iwiin ilole, aan ki li ŋani Uwumbɔr aah mɔk pu na. Ni yaa yii kan, ni ga kpo. Uwumbɔr aah tuk mi pu na le na.”

Nkahm 17:10

Uwumbɔr nan bui Moses ke, “Di Aaronn aadabil giin ti bil Maakaal Aadakaa taab. Li ga li dɔ nima, ki ye nsurm ki tii Israel yaab bi yii mi na, ke bi yaa kaa di cha baah len tibɔr ti kaa ŋan na kan, bi ga kpo.”

Nkahm 18:7

Aa ni aajapɔtiib baanja le ga tun lituln li ye kitork ni kaabimbiln yaan na, ni Chain Chain Aapepel wɔb ni aatuln. Ŋitun ŋimina mɔmɔk ye nimi yaan la, ba pu? min le di kitork aatuln tii nimi ipiin. Unii u kaa ŋeer ke u tun lituln ngbaan na yaa dan tiwan ni m ŋa ni chain na chee kan, u ga kpo.”

Nkahm 4:19

duun ni tiwan ni m ŋa ni chain na chee ki kpoi. Naah ga kiir bi pu na sɔ: Aaronn ni ujapɔtiib le ga dii bi koo Maabool ngbaan ponn ni, le ki ti mɔk bi mɔmɔk baatuln, ni baah ga tun tiwan ni na.

Nkahm 4:5

Uwumbɔr nan tuk Moses baah ga li tun lituln li na. “N‑yoonn mu ni ti ŋeer ke ni fii ki buen nibaa chee na kan, Aaronn ni ujapɔtiib koo Maabool ponn ni, ki chuu nyan likekeln li bi Uwumbɔr Aakaal Aadakaa chee na, ki di li biin Dakaa ngbaan pu.

Matiu 27:51

N‑yoonn ngbaan, le likekeln li yakr Uwumbɔr aadiik ni nfum mulee na chuu kar paacham ki ti saa kitiŋ. Le kitiŋ deŋ, le ŋitakpasakpiin chuu war.

Hiibru Yaab 6:19

Taah kpa limakl ngbaan na, nima le joo timi aasui ke ti taa di cha waasan. Yesu pu, le ti kpa limakl ngbaan. Limakl ngbaan pu, le Yesu u bi paacham na aalandak bi tisui ni.

Hiibru Yaab 9:25

Juu yaab aatotoorninkpel nan di nsin mu kaa ye uma ubaa aasin na le koo ni chain aapepel ni, libiln mɔmɔk. Yesu Kristo di ubaa toor kitork nfum mbaa baanja la.

Hiibru Yaab 9:3

Bi nan di likekeln gii libool ngbaan ponn ni lipepel libaa wɔb, ki yin li ke chain chain.

Hiibru Yaab 9:5

Tiwan ni kpa ifeen na nilee mu nan bi dakaa ngbaan paab. Nima chee le Uwumbɔr nan mɔk Israel yaab waah wiin chain pu na. Tiwan ngbaan aafeen nan biin dakaa ngbaan aabiil pu, Uwumbɔr aah san bi kinimbaak nin chee na. Taan ŋmaa len tiwan nimina mɔmɔk aatataa nibaabaa dandana wee.

Tibɔkpiirkaan 15:8

Le Uwumbɔr aanyuŋ ni waapɔɔn cha iŋmanyuu gbiin waadichal. Ubaa aa ŋmaa koo lidichal ngbaan ni ki nan saa buyoonn falaa bilole bi Uwumbɔr aatuuntiib bilole joo ni bi na ga pii dulnyaa ni aanib ki doo na.