Liifai Yaab 16:18 - Uwumbɔr aagbaŋ

¹⁸ u nyan buen kitork ki bi joo seer mmii ni na aabimbiln chee, ki ti ŋa li chain. U ban unaaja aasin ngem, ni uŋoja aasin ngem, ki di ŋa libimbiln ngbaan aamɔju aalɔlɔ ni.

Liifai Yaab 16:18 ပူးပေါင်းရင်းမြစ်များ

Nnyam 30:10

Libiln ponn ni kan, Aaronn ti di kiwakork ki u di toor titunwanbir aachapinn na aasin, ki di gbaa ŋimɔchɔn ŋinaa pu nfum mbaa aan ki ŋa li chain. Ŋibin mɔmɔk ni kan, u ti ŋa kina nfum mbaa. Tulalee aayon aabimbiln ngbaan li bi chain, ni di li tii min Uwumbɔr.”

Esekiel 43:20

Aa ga di waasin ngem gbaa gbaa imɔju i bi libimbiln ngbaan aalɔlɔnn ni na, ni libimbiln ngbaan aakaasisik ni aalɔlɔnn na mu, ki gbaa mann igbaan mɔmɔk ti ton. Kina le aa ga toor ki ŋa li chain ki di li ŋa m yaal.

Esekiel 43:22

Kitaak yaa woln kan, aa di uŋoob u kaa kpa iween ibaa na ki toor titunwanbir aatork. Aa di u mu aasin toor ŋa libimbiln ngbaan chain ke saah fe di unaaja aasin ŋa pu na.

Esekiel 45:19

Utotoor ga di titunwanbir aatork kee aasin ngem yɔk yɔk Maadichal aajaaleŋ aadɔja, ni kitork aabimbiln aamɔju inaa na pu, ni kichinbik aabisamɔi aadɔja pu.

Liifai Yaab 16:16

Kina le u ga toor ki ŋa Chain Chain Aapepel ni chain, ki nyan Israel yaab aah kaa bi chain pu na, ni baatunwanbir. U ŋa Libool ngbaan kina, ba pu? li si binib ngbaan aah ka pu na aakaasisik ni la, le baa bi chain.

Liifai Yaab 16:17

N‑yoonn mu Aaronn koo Chain Chain Aapepel ni, u ti toor aan ki ŋa ni chain, ki ki nya ni na, unii ubaa taa li bi Libool ngbaan ni. N‑yoonn mu u toor ki ŋa ubaa, ni waamaal, ni binib ngbaan chain na,

Liifai Yaab 4:18

U ki di nsin ngbaan ngem ŋa tulalee aayon aabimbiln li si Libool ni na aalɔlɔ aamɔju pu, aan ki di nsin mu gur na kpir libimbiln li si Libool aabisamɔb chee aan bi seer kitork aamii li pu na aataab.

Liifai Yaab 4:25

Utotoor ga di uŋanbik bɔ nsin ni, ki di mu yɔk yɔk libimbiln aalɔlɔ aamɔju mɔmɔk pu, ki di nsin mu gur na kpir libimbiln ngbaan aataab.

Liifai Yaab 4:7

ki ki di nsin ngbaan ngem ŋa tulalee aayon aabimbiln li si Libool ni na aalɔlɔ aamɔju pu. U di nsin mu gur na kpir libimbiln li si Libool aabisamɔb chee aan bi seer kitork aamii li pu na aataab.

Nkahm 28:22

ki kpee na, ni ban uŋoja toor titunwanbir aatork aan ki ŋa binib ngbaan chain.

Jɔnn 17:19

Bi pu le m di mbaa tii si ke bi mu li ye saanib bi bi chain mbamɔm na.

Hiibru Yaab 2:11

U ŋani binib chain la. U ni binib bi u ŋani bi chain na, bi mɔmɔk kpaan te ubaa la. Nima le inimɔɔn aa joo u ke u yin bi unaabitiib.