Liifai Yaab 16:13 - Uwumbɔr aagbaŋ

¹³ Uwumbɔr aanimbiin ni, nima chee, u di tulalee aayon ngbaan paan mmii pu, lisambil ni, le iŋmanyuu ga fii biin Uwumbɔr Aakaal Aadakaa aabiil pu, nima kan, waan kan libiil ngbaan, ki kpo.

Liifai Yaab 16:13 ပူးပေါင်းရင်းမြစ်များ

Nnyam 25:21

Ni di ikaal aatakpal ŋilee na ki di ŋa dakaa ngbaan ni, aan ki di libiil ngbaan biin.

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Nnyam 30:1

“Ni di lisiijal aadɔ ki di ŋa tiwan ni pu ni ga li seer tulalee aayon na.

Liifai Yaab 22:9

“Bitotoorb mɔmɔk li joo ikaal ngbaan ke maah di i tuk nimi pu na. Bi yaa kaa joo i kan, baabɔr ga bii, le bi ga kpo, ba pu? bi yii maakaal i bi chain na. Min le ye Uwumbɔr le ki ŋa bi chain.

Nkahm 16:18

Kina pu na, bi mɔmɔk nan ban baasambil, le ki di mmiisakɔl ni tulalee aayon ŋa ŋi ponn ni, ki sil gbaŋ Moses ni Aaronn, Uwumbɔr Aabool aabisamɔb chee.

Nkahm 16:46

Le Moses bui Aaronn ke, “Yoor saamii aasambil, ki ban ŋimiisakɔn kitork aabimbiln pu ŋa li ponn ni, aan ki di tulalee aayon paan mu pu. Ŋa mala mala, ki di mu san buen binib ngbaan chee ki ti toor bi, bi ŋa chain. Ŋa mala mala. Uwumbɔr aaŋuul fii a, le bi piin ki kpoi.”

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Nkahm 4:20

Kohaf yaab yaa koo Maabool ngbaan ni ki ti kan bitotoorb aah bi gor tiwan ni m ŋa ni chain na kan, bi ga kpo.”

Ikaal 33:10

Bima le ga mɔk saanib aan bi li joo saakaal mbamɔm; Bima le ga di tiwakor toor kitork saabimbiln paab.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.