Liifai Yaab 15:8 - Uwumbɔr aagbaŋ

⁸ Uja u tinar nya u ni na yaa tii timɔɔtan lɔb sin u bi chain na kan, finn saawanpeenkaan ki fu nnyun, le saan li bi chain ki ti saa kijook wɔb.

Liifai Yaab 15:8 ပူးပေါင်းရင်းမြစ်များ

Aisaya 1:16

Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Liifai Yaab 11:24

“Unii umɔk meeh tiwakor ni ipeel nimina aawankpol na aa ki bi chain kina le ki ti saa kijook wɔb: Tiwakor ni ipeel ni kpa ŋitaa ŋinaa ni tinyanyar na, ni tiwakor ni ipeel nimɔk kpa itaabuseen na, see naataabuseen yakr aan ni ŋmɔ timoor ki biir ki ki ŋmɔ na le aa kɔ. Unii umɔk tun tiwakor bee ipeel ni kɔ na aanann na finn waawanpeenkaan; u mu aan li bi chain ki ti saa kijook wɔb.

Liifai Yaab 15:7

Sin umɔk meeh uja u tinar nya u ni na kan, finn saawanpeenkaan mɔmɔk, ki fu nnyun, le saan li bi chain ki ti saa kijook wɔb.

Liifai Yaab 15:9

Uja ngbaan yaa kal tiwankaakaan nimɔk pu na kan, naa ki bi chain.

Nkahm 19:22

Unii u kaa ye chain na aah meeh tiwan nimɔk na mu kpaln tijɔŋ aawan la, le umɔk meeh kina aawan na mu aa ki ye chain ki ti saa kijook wɔb.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.